الامان بايگەدە ات سىنشىسى بايقاۋى ۇيىمداستىرىلادى
اتاپ ايتقاندا، اتا ءداستۇرىن جالعاپ، شىن جۇيرىكتى جازباي تانىعان سىنشىعا «تولىباي سىنشى»، «كۇرەڭباي سىنشى»، «كەيحاۋىس سىنشى» اتىنداعى ارنايى جۇلدەلەر تاعايىندالعان.
43 شاقىرىمدىق الامان بايگەگە ەلىمىزدىڭ بارلىق 14 وبلىسى مەن استانا، الماتى قالالارىنىڭ ءارقايسىسى 10 بايگە اتتان قاتىستىرىپ، باسەكەگە تۇسەدى دەپ جوسپارلانۋدا. جارىسقا اتتاردىڭ بارلىق تۇقىمدارى قاتىستىرىلادى.
«التىن تۇلپار» الامان بايگەسىندە مارەگە العاش بولىپ جەتكەن 9 تۇلپارعا جۇلدە بەرىلەدى. جارىس جەڭىمپازدارى مەن جۇلدەگەرلەرى اتى اڭىزعا اينالعان قۇلاگەر، بايشۇبار، قۋباس، قاراقاسقا، اقتابان، بوز اۋىز، تايبۋرىل، كوكبۋرىل، شالقاسقا، تارلان ات نوميناتسيالارى بويىنشا ديپلوم جانە قارجىلاي سىيلىقتارمەن ماراپاتتالادى.
سونداي-اق ۇلتتىق جادىگەرلەر كورمەسىمەن ۇلتتىق قولونەر شەبەرلەرىنىڭ شەبەرحانا كورىنىسى ۇيىمداستىرىلىپ، ات تاعالاۋشى شەبەرلەردىڭ جارىسى وتەدى، دەپ حابارلايدى قازاقستان رەسپۋبليكاسى ۇلتتىق سپورت تۇرلەرى قاۋىمداستىعىنان.
