عالىمدار ءشايدىڭ جاڭا پايدالى قاسيەتتەرىن انىقتادى
زەرتتەۋ ناتيجەلەرى تۋرالى ەۋروپالىق كارديولوگيالىق قوعام كونفەرەنتسياسىندا ايتىلدى، دەپ حابارلادى روسبالت.
فرانسۋز عالىمدارى بارلىعى 131401 ادامعا ساۋالناما جۇرگىزگەن، ولار پاريجدە دەرتتىڭ الدىن الۋ جونىندەگى مەديتسينالىق ورتالىقتا تەكسەرۋدەن ءوتتى. مۇندا سىناقتان ءوتۋشى كوفە-شاي ىشپەيتىنىن نەمەسە كۇنىنە ونى 1 كەسەدەن 4 كەسەگە دەيىن ىشەتىنىن بولماسا 4 كەسەدەن ارتىق ىشەتىنىن - قاجەتتىسىن بەلگىلەۋى ءتيىس بولدى.
ءار رەسپوندەنتتى عالىمدار ءۇش جارىم جىل بويى باقىلادى. وسى كەزەڭدە ولاردىڭ ىشىنەن جۇرەك-قان تامىرلارى اۋرۋلارىنان 95 ادام، ال باسقا سەبەپتەردەن - 632 ادام كوز جۇمعان.
«جالپى كوفەنى تۇتىنۋ اۋرۋلاردىڭ تۋىنداۋ قاتەرىن ارتتىرسا، شايعا دەگەن قۇمارلىق مۇنداي قاتەردى تومەندەتكەن. سونىمەن بىرگە گەندەرلىك زاڭدىلىقتى انىقتادىق - ەر ادامدار كوفەنى كوپ ىشسە، ايەلدەر ەر ادامدارعا قاراعاندا، ءشايدى كوپ ىشەدى ەكەن»، - دەيدى رەنە دەكارت اتىنداعى پاريج ۋنيۆەرسيتەتىنىڭ قىزمەتكەرى نيكولاس دانچين.
شايدى تۇتىنۋدىڭ جۇرەك-قان تامىرلارى جۇيەسىنە بايلانىستى ەمەس اۋرۋلاردان ءولىم- جىتىمگە ۇشىراۋ كولەمىن 24 پايىزعا تومەندەتۋىن عالىمدار ونىڭ قۇرامىندا انتيوكسيدانتتاردىڭ بولۋىمەن بايلانىستىردى.
