اقمولا وبلىسى، سەلينوگراد اۋدانىنىڭ اكىمى اۋىستى

مالگاجدار ساتتار  ۇلى تاتكەيەۆ 1960 - جىلدىڭ 8 - جەلتوقسانىندا بۇرىنعى كوكشەتاۋ وبلىسىنىڭ قىزىلتۋ  كەنتىندە تۋعان.

جوعارى ءبىلىمدى. ك س ر و ىشكى ىستەر مينيسترلىگىنىڭ قاراعاندى جوعارى مەكتەبىن بىتىرگەن، زاڭگەر. زاڭ عىلىمدارىنىڭ كانديداتى.

ەڭبەك جولىن 1978 - جىلى تراكتورشى بولىپ باستادى. 1979-1981 - جىلدارى كەڭەس ارمياسى قاتارىندا ازاماتتىق بورىشىن وتەدى.   1981 - جىلدان 2012 - جىلدىڭ مامىر ايىنا دەيىن  قازاقستان رەسپۋبليكاسىنىڭ قۇقىق قورعاۋ ورگاندارىندا،   ءى ءى م، م ت ك ورگاندارىندا، قارجى پوليتسياسىندا، جەدەل جانە تەرگەۋ جۇمىستارىندا قىزمەت ىستەدى. اقمولا، سولتۇستىك قازاقستان، قاراعاندى وبلىستارىنىڭ قۇقىق قورعاۋ ورگاندارىندا باسشىلىق لاۋازىمداردا  بولدى. 2012 - جىلدىڭ ماۋسىمىنان - اقمولا وبلىسى جەر قاتىناستارى باسقارماسىنىڭ باسشىسى.

قازاقستان رەسپۋبليكاسى پرەزيدەنتىنىڭ جانىنداعى كادر ساياساتى جونىندەگى  ۇلتتىق كوميسسيانىڭ شەشىمىمەن كونكۋرستىق ىرىكتەۋ قورىتىندىسى بويىنشا «ا» كورپۋسىنىڭ  مەملەكەتتىك  اكىمشىلىك قىزمەتىنىڭ  كادرلىق رەزەرۆىنە ەنگىزىلگەن.  

«قازاقستان كونستيتۋتسياسىنا 10 جىل»، «قازاقستان رەسپۋبليكاسىنىڭ تاۋەلسىزدىگىنە  20 جىل»   مەملەكەتتىك مەرەكەلىك مەدالدارىمەن، ءمىنسىز قىزمەتى ءۇشىن قۇقىق قورعاۋ ورگاندارىندارىنىڭ مەدالدارىمەن جانە توسبەلگىلەرىمەن ماراپاتتالعان.

سوڭعى جۇمىس ورنى 2013 - جىلدىڭ قازانىنان باستاپ، بۇگىنگى كۇنگە دەيىن زەرەندى اۋدانىنىڭ اكىمى بولىپ قىزمەت ىستەدى. 

اۆتور:   اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى