بۇكىل الەمدىك كادەتتەر ويىنىندا قازاقستان قۇراماسى توپ جاردى
الەمنىڭ 25 ەلىنەن جينالعان اسكەري قىزمەتشىلەر ءبىر اپتادان استام ۋاقىت بويى ءجۇزۋ، اتىس، اسكەري بەسسايىس، ۆولەيبول، اسكەري باعدارلاۋ جانە جەڭىل اتلەتيكا بويىنشا ەپتىلىكتەرىن، جىلدامدىقتارى مەن كۇشتىلىكتەرىن سىنعا سالدى.
قازاقستان قارۋلى كۇشتەرىنىڭ قۇراماسى ساپىندا قۇرلىق اسكەرلەرى اسكەري ينستيتۋتىنىڭ، راديوەلەكترونيكا جانە بايلانىس اسكەري-ينجەنەرلىك ينستيۋتىنىڭ كۋرسانتتارى مەن ق ر ق م ارميا ورتالىق سپورت كلۋبى وقۋ-جاتتىعۋ ورتالىقتارىنىڭ سپورتشىلارى ونەر كورسەتتى.
سونداي-اق، 10 شاقىرىم قاشىقتىققا جۇگىرۋدە سپورت كوميتەتى - ق ر ق م ارميا ورتالىق سپورت كلۋبىنىڭ جەڭىل اتلەتيكادان شتاتتىق كومانداسىنىڭ سپورتشىسى، قاتارداعى جاۋىنگەر ميحايل كراسيلوۆ التىن يەلەندى.
ول ەكىنشى ورىن العان ەكۆادورلىق ەدۆين مورالەستىڭ الدىن ورادى. ءۇشىنشى ورىندى پەرۋلىك نەلفور دايۆيس ريۆەرا ۆارگاس يەلەندى.
