ادامزات تاريحىنداعى ەڭ باي ادامدار

بازيل  XI  عاسىرداعى ۆيزانتيا يمپەراتورى بولعان. ول 67 جاسىندا $169.4 ميلليارد يەمدەنگەن. ءوزى ومىردەن وزعاننان كەيىن مۇراگەرى بولماعان سوڭ، يمپەريا دا، بايلىعى دا قولدى بولعان.

سپارتاك كوتەرىلىسىن باسقان ريمدىك گەنەرال مارك ليتسيني كراسس (115-53 ج. ج. دو ن. ە.) قۇل ساۋداسىمەن اينالىسادى. ناتيجەسىندە، ريم قالاسىنداعى ەڭ قىمبات جىلجىمايتىن مۇلىكتەردى ساتىپ الادى. ونىڭ 62 جاسىنداعى بايلىعى $169.8 ميللياردقا تەڭەلگەن.

گەنري فورد اۆتوموبيل ءوندىرىسىن جولعا قويعان تۇلعا. ول ءوزىنىڭ كومپانياسىن 36 جاسىندا اشقان. ال جيىرما جىلدان كەيىن ونىڭ بانك اككاۋنتىندا $188 ميلليارد قارجى بولدى.

ەندريۋ مەللون ا ق ش-تىڭ قارجى ءمينيسترى بولعان. ونىڭ بايلىعى 80 جاسىندا $188.8 ميللياردتى قۇراعان.

وسمان الي كحان ازاف دجا VIII ءۇندىستان جاۋلاپ العان حايداراباد پەن بەرار كورولدىكتەرىنىڭ سوڭعى بيلەۋشىسى بولعان. 1937-جىلى Time جۋرنالىنا ەڭ باي ادام دەگەن اتپەن شىققان. ونىڭ 50 جاستاعى قارجىسى $210.8 ميللياردتى قۇراعان.

ۋيليام گەنري ۆاندەربيلت اكەسى كورنەليۋس ۆاندەربيلتتەن 100 ميلليون دوللار كولەمىندە مۇرا العان. ول بەرىلگەن قارجىنى دۇرىس قولدانىپ، $231.6 ميللياردقا اينالدىرا الدى.

ورىستىڭ پاتشاسى II نيكولايدىڭ 49 جاستاعى قارجىسى $235 ميلليارد بولعان.

ەندريۋ كارنەگي شوتلانديادان پيتتسبۋرگقا (ا ق ش) كوشىپ، 13 جاسىنان باستاپ تەكستيلدى فابريكادا جۇمىس ىستەي باستاعان. ال جاسى 40 قا تاقالعاندا الەمدەگى ەڭ ۇلكەن قۇرىلىس كومپانياسىن يەمدەنگەن. ال 68 جاسىنداعى بار تابىسى $298.3 ميلليارد قارجىنى قالىپتاستىرعان. اقشاسىنىڭ 90 پايىزىن قايىرىمدىلىققا جۇمساعان.

دجون روكفەللەردىڭ جاس كەزىندە ەكى ارمانى بولعان: 100 مىڭ دوللار تابىسقا كەنەلىپ، 100 جاسقا دەيىن ءومىر ءسۇرۋ. ول 98 جاسقا تولۋىنا 2 اي قالعاندا ومىردەن وزدى. ونىڭ تابىسى قازىرگى باعاممەن سالىستىرعاندا $318 ميللياردتى كورسەتىپ وتىر. روكفەللەردىڭ نەگىزگى كومپانياسى Standard Oil امەريكا مۇناي نارىعىنىڭ 90 پايىزىن يەمدەنىپ وتىرعان.

دايىنداعان: جولداس ورىسبايەۆ

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى