سەنات ءتوراعاسى ق. توقايەۆ فرانسيا سەناتىنىڭ دەلەگاتسياسىن قابىلدادى
قازاقستان سەناتىنىڭ ءتوراعاسى قازاقستان مەن فرانسيانىڭ ءتۇرلى سالالارداعى ىنتىماقتاستىعىنىڭ قارقىندى دامۋىنا كوڭىلى تولاتىندىعىن ءبىلدىردى. پارلامەنتارالىق بايلانىستارعا قاتىستى ق. توقايەۆ ەكىجاقتى ءۇن قاتىسۋدى كەڭەيتۋ ءۇشىن ەكى ەلدىڭ پارلامەنتتەرىندە جۇمىس ىستەپ كەلە جاتقان «فرانسيا-قازاقستان» دوستىق توبىنىڭ الەۋەتىن بەلسەندى دامىتۋ قاجەت ەكەنىن اتاپ ءوتتى. ق. توقايەۆتىڭ پىكىرىنشە، قازاقستان مەن فرانسيا دەپۋتاتتارىنىڭ ءوزارا ءىس-قيمىلىنىڭ زور ماڭىزى بار.
ا. ديۋلە، سونداي-اق، پارلامەنتتىك ىنتىماقتاستىق توپتارىنىڭ ءوزارا ءىس-قيمىلىنىڭ ماڭىزدى ەكەنىن اتاپ ءوتىپ، قازاقستاندىق سەناتورلاردى فرانسياعا شاقىردى.
جوعارعى پالاتانىڭ باسشىسى فرانسۋز ارىپتەستەرىن ەلىمىزدىڭ جوعارى زاڭ شىعارۋ ورگانىنىڭ قىزمەتى جانە سەناتقا سايلاۋ ناۋقانىنىڭ بارىسى تۋرالى حاباردار ەتتى.
اۆتور: سەرىك قاراجان
