قازاقستاندىق كاسىپكەرلەر شەتەلدە سىناقتان وتە الادى

اتالعان جوبا بويىنشا بارلىعى تالدىقورعان مەن وبلىستىڭ 30 كاسىپكەرى ءبىلىمىن شىڭداماق.

الماتى وبلىسىنىڭ 6 تۇلەگى گەرمانيا مەن امەريكادا سىناقتان ءوتتى. اسپازدىق سەحتىڭ باسشىسى داۋرەن ءتالىپوۆ جوباعا قاتىسىپ، گەرمانيادا تەگىن ءبىلىمىن شىڭداي ءتۇستى.

«كوپ نارسە ۇيرەندىم، - دەپ العان اسەرىمەن ءبولىستى داۋرەن. - ءوز ويلارىمدى تەزىرەك جۇزەگە اسىرعىم كەلەدى. مەملەكەت بىزگە وسىنداي جاعدايلار جاساپ جاتقانىنا ريزامىن».

«جوبانىڭ مىندەتى - كاسىپكەرلەرگە ءوز بيزنەسىن جاڭعىرتىپ، كەڭەيتۋگە كومەكتەسۋ. بۇل ءۇشىن قازاقستاندىق قانا ەمەس، شەتەلدىك بيزنەسمەندەرمەن ىسكەرلىك بايلانىس ورناتۋ قاجەت. ءبىز كاسىپكەرلەرىمىزگە وسىنداي مۇمكىندىكتى ۇسىنامىز»، - دەدى قوردىڭ باس مەنەدجەرى جاندوس نۇرعازينوۆ.

«دامۋ» كاسىپكەرلىكتى دامىتۋ قورى» ا ق وبلىستىق فيليالىندا «ىسكەرلىك بايلانىستار» جوباسىنىڭ ءبىرىنشى كەزەڭى اياسىندا ءبىلىم الۋ وتىنىشتەرى 2014-جىلدىڭ 1- قازانىنا دەيىن جالعاسادى.

جوبا ەكى كەزەڭدە جۇزەگە اسادى: ق ر اۋماعىندا ءبىلىم الۋ جانە شەتەلدە سىناقتان ءوتۋ. العاشقى كەزەڭ قازاقستاندا جۇزەگە اسادى (كۇندىزگى ءبولىم مەن قاشىقتىقتان وقىتۋ نەگىزىندە).

العاشقى كەزەڭنىڭ سوڭىندا قاتىسۋشىلار كوميسسياعا ءوز بيزنەس-جوسپارلارىن ۇسىنادى. ءبىرىنشى سىننان سۇرىنبەي وتكەندەر گەرمانيا نەمەسە ا ق ش-تا ءبىر ايلىق سىناقتان تەگىن ءوتۋ مۇمكىندىگىنە يە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى