قازاقستاندا وتباسى ينستيتۋتى قۇرىلادى

بۇكىل ورتالىق ازيادا تۇڭعىش قۇرىلاتىن جاڭا ينستيتۋت قازان ايىندا اشىلادى دەپ جوسپارلانۋدا.

«مۇندا وتباسى مەن وتباسى قۇندىلىقتارى تۋرالى اكادەميالىق ءبىلىم بەرىلەتىن بولادى. جاس وتاۋ يەلەرى وزدەرىنىڭ وتباسىلىق ءومىرىن وسى جەردەن كەڭەس الىپ، جوسپارلاي الادى. بۇل اشىق جەكە ۇيىم بولماق. مۇندا ا ح ا ج، اجىراسۋ ماسەلەلەرى بويىنشا جوبالار جۇزەگە اسىرىلاتىن بولادى»، - دەدى اقبوتا بازاربايەۆا.

اتالعان ينستيتۋتتىڭ نەگىزىن قالاۋ ءۇشىن س. اسفەندياروۆ اتىنداعى مەديتسينالىق ۋنيۆەرسيتەت پەن يسپانياداعى ناۆاررا وتباسىلىق ينستيتۋتى اراسىندا ءوزارا سەرىكتەستىك جايلى مەموراندۋمعا قول قويىلدى.

وتكەن جىلى جەلتوقساندا ناۆارراداعى وتباسىلىق ينستيتۋتى قازاقستانعا كەلىپ، وتباسى ىسىمەن اينالىساتىن مامانداردى دايارلاۋ تۋرالى حالىقارالىق كۋرسقا ادام قابىلداۋدى باستاعان بولاتىن. سودان بەرى 40 ادام اتالعان كۋرستى ءتامامداپ، بۇگىن پروفەسسور حاۆيەر ەسكريۆا يۆارستىڭ قولىنان «وتباسى كەڭەسشىسى» دەگەن سەرتيفيكات الدى.

«ەندى وسى 40 ادام ءوزىنىڭ العان بىلىمدەرىن 1000 ادامعا جەتكىزەتىن بولادى. قازاندا وسى 1000 تىڭدارمانعا دا حالىقارالىق سەرتيفيكات تابىستالاتىن بولادى»، - دەدى ا. بازاربايەۆا.

اۆتور: گۇلميرا ءعوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى