سەنات الداعى وتىرىستىڭ كۇن ءتارتىبىن بەكىتتى
بيۋرو بەكىتكەن كۇن تارتىبىنە سايكەس، پالاتا وتىرىسىندا «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا قاراۋ جوسپارلانىپ وتىر. بۇدان بولەك، دەپۋتاتتاردىڭ قاراۋىنا كەيبىر زاڭنامالىق اكتىلەرگە سوت تورەلىگىن ىسكە اسىرۋدى ودان ءارى جەڭىلدەتۋ، تورەشىلدىك راسىمدەردى ازايتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى دا (ءبىرىنشى وقىلىمدا) ۇسىنىلاتىن بولادى.
«وتىرىستا سپيكەر ق. توقايەۆ مەملەكەتتىك باسقارۋدى رەفورمالاۋدى ساپالى زاڭنامامەن قامتاماسىز ەتۋ ماقساتىندا مەملەكەت باسشىسى شۇعىل دەپ جاريالاعان زاڭ جوبالارىنىڭ توپتاماسى بويىنشا قالىپتاسقان جۇمىستىڭ قاجەتتىگىنە بيۋرو مۇشەلەرىنىڭ نازارىن اۋداردى»، - دەلىنگەن باسپا ءسوز بايانىندا.
اۆتور: قانات مامەتقازى ۇلى
