الماتى مەن كانادا ەلى ءوزارا ەكونوميكالىق ىنتىماقتاستىقتى دامىتۋعا مۇددەلى

دەلەگاتسيانى قازاقستان مەن كانادانىڭ پارلامەنتتىك «دوستىق توبىنىڭ» تەڭ ءتوراعاسى، قاۋىمدار پالاتاسىنىڭ تابيعي رەسۋرستار بويىنشا كوميتەتىنىڭ ءتوراعاسى لەون بەنۋا باستاپ كەلدى. بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.

«قالا باسشىسى ءوز سوزىندە قازاقستان مەن كانادا اراسىندا تىعىز ەكونوميكالىق قارىم-قاتىناس ورناعاندىعىن اتاپ ءوتتى. بۇگىنگى تاڭدا الماتىدا 35 بىرلەسكەن قازاقستان-كانادالىق كاسىپورىن جانە جارعىلىق كاپيتالىندا كانادانىڭ ۇلەسى بار 50 كومپانيا جۇمىس ىستەيدى»، - دەلىنگەن حابارلامادا.

«ءبىز يننوۆاتسيالىق تەحنولوگيالار پاركىن دامىتىپ جاتىرمىز. ول ەركىن ەكونوميكالىق ايماق رەتىندە جۇمىس ىستەيدى. سونىمەن قاتار، يندۋستريالدىق ايماقتى اشۋدى دا قولعا الدىق. وندا كاسىپورىندارعا بايقاۋ ارقىلى ءوندىرىستى دامىتۋ مۇمكىندىكتەرى بەرىلەدى. ەگەر كانادالىق كاسىپورىندار قىزىعۋشىلىق تانىتاتىن بولسا، وندا وسى جوبالارعا قاتىسۋلارىنا ابدەن بولادى»، - دەدى ءوز سوزىندە ا. ەسىموۆ.

ءوز كەزەگىندە دەلەگاتسيا وكىلدەرى بىرلەسكەن جوبالارعا قىزىعۋشىلىق تانىتاندىقتارىن جەتكىزدى. سونىمەن قاتار، ەكى تاراپ تۋريزم، ءبىلىم، عىلىم، ەكونوميكا جانە تەحنولوگيالاردى دامىتۋ سالالارىندا ءوزارا ىنتىماقتاستىقتى ودان ءارى كەڭەيتۋ جونىندە ورتاق كەلىسىمگە كەلدى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى