انالار كۇنى الماتىدا گيننەستىڭ جاڭا رەكوردى تىركەلدى

ناقتىراق ايتساق، گوركي اتىنداعى مادەنيەت جانە دەمالىس ساياباعىندا 856 كەلى باۋىرساق ءپىسىرىلدى. ال بۇل رەكوردتى ارنايى كوميسسيا تىركەپ، وسى شارانى ۇيىمداستىرعان «جەتىنشى ارناعا» سەرتيفيكاتتى سالتاناتتى تۇردە تابىس ەتتى.

مۇنداي جاڭا رەكورد ەنەلەر مەن كەلىندەر اراسىنداعى اسپازدىق سايىس كەزىندە تىركەلدى. جەتى ەنە مەن كەلىن جۇپتارى باۋىرساق ءپىسىرىپ جاتقاندا لوندوننان ارنايى كەلگەن گيننەستىڭ رەكوردتار كىتابىنىڭ وكىلدەرى مەن تاۋەلسىز ساراپشىلار ولاردى ءجىتى باقىلاپ تۇردى.

كەلىندەر كومانداسىن شوۋمەن نۇرتاس ادامبايەۆ قولداپ تۇرسا، ەنەلەر جاعىنان اشا ماتاي شىقتى.

بۇعان قوسا، بۇل ەرەكشە مەرەكەگە قاتىسقان بارلىق قوناقتارعا ەستەلىك رەتىندە لەنتالار مەن «اناعا ارنالعان سيقىرلى پەچەنە» تاراتىلدى. شارا كەزىندە انالاردى ءبىر سەرگىتكەن بۇرىش جۇمىس ىستەپ تۇردى. وندا تاجىريبەلى ستيليستەر مەن ۆيزاجيستەر ماكياج جاساۋدىڭ تەحنيكاسىن جانە ءوزىن-ءوزى كۇتۋدىڭ قىر-سىرىمەن تانىستىرىپ جاتتى.

ال بولاشاق انالارعا ترەنەلەر قىزمەت كورسەتىپ، ولار يوگادان ەكى ساباق وتكىزدى. بالالار دا ۇمىت قالمادى، ولارعا دەپ سۋرەت ونەرى بويىنشا ارنايى بۇرىش ۇيىمداستىرىلدى.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى