اۋەجاي ماڭىنان التىن ءتىسى بار باس سۇيەك تابىلدى
27 جاستاعى ايەل ونى بۋرتسيەۆو دەريەۆنياسىنا بارار جولداعى ورمان القابىنان تاۋىپ العان. «وقيعا ورنىنا كەلگەن پوليتسيا قىزمەتكەرلەرى ادامنىڭ سارى مەتالدان جاسالعان تىستەرى بار باس سۇيەگىن تاپتى»، - دەپ حابارلادى قۇقىق قورعاۋ قىزمەتكەرلەرى. پوليتسيانىڭ مالىمەتىنشە، باس سۇيەك تساريتسىنوداعى سوت-مەديتسينالىق ساراپتاماسى بيۋروسىنىڭ استانالىق ءمايىتحاناسىنا جىبەرىلدى.
ءتارتىپ ساقشىلارى باس سۇيەكتىڭ كىمدىكى ەكەنىن جانە ونىڭ ءولىمىنىڭ سەبەپتەرىن انىقتايتىن بولادى.
ەسكە سالا كەتەيىك، وسى جىلدىڭ شىلدە ايىنىڭ سوڭىندا سەمەيدە قۇرىلىسقا ادام سۇيەكتەرى بار توپىراق اكەلىنگەن ەدى. سۇيەكتەردى ەرتىستەگى اسپالى كوپىر اۋدانىنىڭ جەكە سەكتور تۇرعىندارى ءوز ۇيلەرىنىڭ ماڭىنان كورگەن. زارەچنايا كوشەسىنىڭ تۇرعىندارى توپىراقتىڭ جاقىن ماڭداعى كوتتەجدەردىڭ ءبىرىنىڭ اۋماعىندا كورىكتەندىرۋ جۇمىستارىن جۇرگىزۋ ءۇشىن اكەلىنگەنىن ايتتى، ال ونىڭ اراسىندا سۇيەكتەردىڭ بولۋى توپىراقتىڭ يەسىز قورىمنان الىنعانىن كورسەتەدى.
Tengrinews.kz
