يراك پەن سيرياداعى، يزرايل مەن پالەستيناداعى قاقتىعىستىڭ بارلىعى يرانسىز شەشىلمەيدى - ەلباسى

 بۇگىن اقوردادا يران يسلام رەسپۋبليكاسىنىڭ پرەزيدەنتى حاسان رۋحانيمەن كەزدەسۋىنەن كەيىنگى باسپا ءسوز ءماسليحاتىندا  ق ر پرەزيدەنتى نۇرسۇلتان نازاربايەۆ وسىلاي ايتتى.

«كەزدەسۋ بارىسىندا ءبىز وڭىرلىك ماسەلەلەردى تالقىلادىق. يراك پەن سيرياداعى، يزرايل مەن پالەستينا اراسىنداعى قاقتىعىستىڭ بارلىعى يرانسىز شەشىلمەيتىن بولادى. يراننىڭ قازىرگى التىلىق مەملەكەتتەرى فورماتىنداعى كەلىسسوزدەرى وڭتايلى ءجۇرىپ جاتقانىنا سەنىمدىمىز. بۇل ءبىزدىڭ قاتىناسىمىزدى جوعارى دەڭگەيگە كوتەرەدى» ، - دەدى ن. نازاربايەۆ.

 ءوز كەزەگىندە مارتەبەلى مەيمان حاسان رۋحاني كەزدەسۋ بارىسىندا ءوڭىرارالىق، حالىقارالىق ماسەلەلەر تالقىلانعانىن جەتكىزدى. «ءبىزدىڭ وڭىردە اۋعانستاننان باستاپ، يراك پەن سيرياعا، ليۆان مەن پالەستيناعا دەيىنگى ارالىقتا ءبىرقاتار پروبلەمالار بارشىلىق. بۇل رەتتە ونداي پروبلەمالاردى ورنىقتى شەشىپ، تۇراقتىلىقتى ورناتۋ ءۇشىن وڭىرلەردەگى بارلىق مەملەكەتتەر ءبىر- بىرىمەن ىنتىماقتاسۋلارى كەرەك. ءبىز پرەزيدەنت نازاربايەۆپەن وسى ماسەلەلەردى اڭگىمەگە ارقاۋ ەتتىك، كەلەشەكتە دە جالعاستىرماق نيەتتەمىز» ، - دەدى پرەزيدەنت رۋحاني.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى