قازاقستانداعى الەمدىك دەڭگەيلى كوللەدجدەر كەلەر جىلى اشىلادى

 بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە «كاسىپقور» حولدينگى» ۇ ا ق باسقارما ءتورايىمى ەلدانا ءسادۋاقاسوۆا ءمالىم ەتتى.

ەسكە سالايىق، بريفينگ بارىسىندا تەحنيكالىق جانە كاسىبي دۋالدىق وقىتۋ ماسەلەلەرى تالقىلانعان بولاتىن.

«2015 - جىلدىڭ قىركۇيەگىندە ەلىمىزدە الەمدىك دەڭگەيلى كوللەدجدەر ىسكە قوسىلادى، ياعني استانا مەن الماتى قالالارىندا وسى كوللەدجدەردە وقىتۋ باستالادى. سونىمەن قاتار، كوللەدجدەر جانىنا قۇرىلاتىن بارلىق 6 مەكتەپكە دە وقۋشىلار قابىلداۋ جۇزەگە اسىرىلادى. اشىلاتىن كوللەدجدەردىڭ جالپى جوبالىق قۋاتى 3 مىڭ ادامنان اسادى. ال باسقا وڭىردەگى ورتالىقتار نىساندارىن تولىعىمەن ىسكە قوسۋ 2017 - جىلعا جوسپارلانىپ وتىر» ، - دەدى «كاسىپقور» حولدينگى» ۇ ا ق باسقارماسىنىڭ ءتورايىمى ەلدانا ءسادۋاقاسوۆا.

 ونىڭ ايتۋىنشا، اتىراۋداعى ءوڭىرارالىق ورتالىقتا قازىردىڭ وزىندە 600 وقۋشى ءبىلىم الۋدا. بۇل ءۇشىن پوليتەحنيكالىق كوللەدجدەرگە 12 ءبىلىم باعدارلاماسى دا ازىرلەنىپ، سۇرانىسى جوعارى ءۇش جەتەكشى ماماندىق ءتىزىمى ايقىندالدى.

 «وڭىرلەردە ءاربىر كوللەدجدى قۇرۋ ساتىلارىنا بارىنشا ءمان بەرەمىز. سونىڭ ىشىندە ەڭ العاشقى كۇننەن باستاپ، جۇمىس بەرۋشىمەن تىعىز بايلانىستا بولماقپىز. ءوڭىر بويىنشا ەڭ وتكىر، تاپشى ءارى سۇرانىسقا يە ماماندىقتار ايقىندالىپ، كوللەدجدەردە سونداي ماماندىقتارعا باسىمدىق بەرىلەدى. بۇدان سوڭ، جۇمىس بەرۋشىلەرمەن بىرلەسە وتىرىپ، ولاردىڭ كوللەدج باعدارلاماسىنا قوياتىن تالاپتارى انىقتالادى، مۇنىمەن قوسا، جۇمىس بەرۋشىلەر وزدەرىنىڭ وندىرىسىندە قولدانىلاتىن تەحنولوگيالىق ۇدەرىستەرىن دە تولىق ۇسىنادى. ەڭ اقىر اياعى جۇمىس بەرۋشىلەر ءاربىر ستۋدەنتتىڭ ماماندىعىنا قاتىستى قانداي داعدىمەن ماشىقتانۋى تيىستىگىن دە تاپتىشتەپ بەرەدى. وسىدان كەيىن عانا ءبىز شەتەلدەن ارىپتەستى تاڭداپ، ءبىلىم بەرۋ ۇدەرىسىنە كىرىسەمىز» ، - دەيدى ە. ءسادۋاقاسوۆا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى