س ق و-دا بەلگىسىز الاياق ايەل پاتەرلەردى توناپ ءجۇر

بەلگىسىز ايەل 3 پاتەردى توناپ ۇلگەرگەن، دەپ حابارلادى س ق و ءى ءى د باسپا ءسوز قىزمەتىنەن.

«پەتروپاۆلدىڭ ءى ءى ب-نا ۇيلەرىندە بولماعان كەزدە بەلگىسىز ايەل پاتەرلەرىن توناعان ءۇش ايەل جۇگىندى. الاياق ءبىر جۇيەمەن جۇمىس جاساعان: الاڭدا ويناپ جۇرگەن 3-7 جاسار بالالارعا كەلىپ، ۇيلەرىندە اناسى بار-جوعىن سۇراعان. «ۇيدە جوق» دەگەن جاۋاپتان سوڭ اناسىنىڭ قۇربىسى ەكەنىن، سۋ ىشكىسى كەلەتىنىن نەمەسە وعان سىيلىق اكەلگەنىن ايتىپ، الداپ پاتەرلەرگە كىرگەن»، - دەدى س ق و ءى ءى د وكىلى ق. قاسەنوۆ.

اڭعال بۇلدىرشىندەر وعان سەنىپ قالعان. پاتەرگە كىرگەن الاياق بالانى الداپ بولمەدەن شىعارۋعا سىلتاۋ تاپقان، سودان سوڭ اقشا، التىن بۇيىمدار مەن باسقا دا قۇندى زاتتاردى ەمىن-ەركىن قىمقىرىپ كەتكەن، دەپ حابارلادى ءى ءى د-نەن.

پوليتسيا پەتروپاۆلدىڭ تۇرعىندارىن ءوز بالالارىنا اباي بولۋلارىنا، بوتەن ادامدارمەن سويلەسپەۋلەرىن ايتۋعا، پاتەرلەرىنە كىرگىزبەۋ قاجەتتىگى جايىندا اڭگىمەلەسۋگە شاقىرادى. الاياقتار الداۋدىڭ ءتۇرلى تاسىلدەرىن قولدانادى. ولار وزدەرىن كوممۋنالدىق نەمەسە الەۋمەتتىك قىزمەت، مەملەكەتتىك ورگاندار جانە ت. ب. قىزمەتكەرىمىن دەپ تانىستىرۋى دا مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى