قازاقستاندا كۇزگى اڭ اۋلاۋ ماۋسىمى اشىلدى
«بيىل قۇستاردىڭ 59 ءتۇرى مەن سۇتقورەكتىلەردىڭ 34 ءتۇرىن بەكىتىلگەن اڭشىلىق شارۋاشىلىقتارىنىڭ اۋماقتارىندا عانا اۋلاۋعا بولادى.
بەكىتىلگەن اڭشىلىق شارۋاشىلىقتاردا بارلىعى 2482 قورىقشى جانە 2286 اۆتوماشينا بار. اۋەسقويلىق (سپورتتىق) اڭ اۋلاۋ ءۇشىن اڭشىدا كۋالىك، جانۋارلار الەمىن پايدالانۋعا بەرىلگەن رۇقسات جانە اڭشىلىق شارۋاشىلىعى سۋبەكتىسىنىڭ جولدامالارى بولۋ ءتيىس.
بۇنىمەن بىرگە، اڭ اۋلاعاندا اتىس قارۋىن قولدانار كەزدە ونى ساقتاۋ جانە الىپ ءجۇرۋ قۇقىعىن بەرەتىن ق ر ىشكى ىستەر ورگاندارىنىڭ رۇقساتى بولۋى قاجەت. سونداي-اق، اڭشى جىرتقىش قۇستارمەن اڭ اۋلاعان كەزدە بەلگىلەنگەن تارتىپپەن بەرىلگەن تىركەۋ قۇجاتتارى بولۋى ءتيىس»، - دەلىنگەن ق ر ا ش م باسپا ءسوز قىزمەتىنىڭ مالىمەتىندە.
تۇياقتى جانۋارلار مەن قوڭىر ايۋدى ولجالاۋ قورىقشىنىڭ نەمەسە جانۋارلار دۇنيەسىن قورعاۋ، ءوسىمىن مولايتۋ جانە پايدالانۋ جونىندەگى مەملەكەتتىك ينسپەكتوردىڭ قاتىسۋىمەن جۇرگىزىلەدى جانە اتىپ العاننان كەيىن، ولار جانۋارلاردىڭ ولجالانعانى تۋرالى بەلگى جاسايدى.
سوعان قوسا، ق ر ا ش م ورمان شارۋاشىلىعى جانە جانۋارلار دۇنيەسى كوميتەتى اڭشىلىق اۋلاۋ بارىسىندا ورتكە قارسى قاۋىپسىزدىك شارالارىن قولدانۋ، اڭشىلىق القاپتارىن تۇرمىستىق جانە كاسىپتىك قالدىقتارمەن لاستاۋعا جول بەرمەۋ قاجەتتىگىن ەسكە سالادى.
ايتا كەتەيىك، 2013 - جىل بويىنشا جانۋارلار دۇنيەسىن قورعاۋ جونىندەگى زاڭناما بۇزۋشىلىقتارىنىڭ 598 فاكتىسى انىقتالدى، ونىڭ ىشىندە اكىمشىلىك جاۋاپكەرشىلىككە 561 ادام، ال قىلمىستىق جاۋاپكەرشىلىككە 35 زاڭ بۇزۋشى تارتىلدى. 2014 - جىلدىڭ ءبىرىنشى جارتى جىلدىعى بويىنشا 259 فاكتى انىقتالدى، ونىڭ 256 ى اكىمشىلىك جاۋاپكەرشىلىككە جانە 9 ى قىلمىستىق جاۋاپكەرشىلىككە تارتىلدى.
اۆتور: رۋسلان عابباسوۆ
