قازاق ونەرىنىڭ ساڭلاقتارى: ايگۇل ناريمان قىزى ۇلكەنبايەۆا

الماتى قالاسىنداعى مۋزىكا ۋچيليشەسىن، ودان كەيىن الماتى مەملەكەتتىك كونسەرۆاتورياسىنىڭ (قازىرگى قازاق ۇلتتىق كونسەرۆاتورياسى) حالىق اسپاپتارى فاكۋلتەتىن (1986، پروفەسسور ا. ت. جايىموۆتىڭ جەتەكشىلىگىمەن) بىتىرگەن. 1989 - 1991 - جىلدارى وسى كونسەرۆاتوريانىڭ اسسيستەنتۋرا-ستاجيروۆكاسىنان ءوتتى.

شىعارماشىلىق ەڭبەك جولىن وقىپ جۇرگەن كەزىنەن قازاقتىڭ اكادەميالىق حالىق اسپاپتار وركەسترى قۇرامىندا (1979 - 1989) دومبىراشى بولۋمەن باستاعان ۇلكەنبايەۆا سولو-ورىنداۋشىعا دەيىنگى ۇزدىك كاسىپتىك-شەبەرلىك بيىگىنە كوتەرىلدى.

ونىڭ كۇيشىلىك-ورىنداۋشىلىق رەپەرتۋارىنان حالىق كۇيلەرى «اقساق قۇلان»، «ەل ايرىلعان»، ت. ب.، قازاقتىڭ حالىق كومپوزيتورلارى داۋلەتكەرەي، دينا نۇرپەيىسوۆا، قازانعاپ، قۇرمانعازى، ماحامبەت، سونداي-اق ماڭعىستاۋلىق كۇيشىلەر: ەسباي، ەسىر، قۇلشار، وسكەنباي قاتارلىلاردىڭ، وسى زامانعى كومپوزيتورلار - ن. تىلەنديەۆتىڭ «اققۋى»، ا. جايىموۆتىڭ «كۇي اناسى» مەن «شالقىماسى» شىعارمالارى مەن ورىس، شەت ەل كلاسسيكالىق تۋىندىلارى مول ورىن العان.

ول 2002 -جىلى - «قۇلاعىڭنان كەتپەسىن» اتتى جەكە شىعارماشىلىق كەشى الماتى قالاسىنداعى رەسپۋبليكا سارايىندا؛ 2012 - جىلى - «ايگۇل - كۇيگە بار الەم تامسانادى...» اتتى جەكە شىعارماشىلىق كەشى الماتى قالاسى اباي اتىنداعى وپەرا جانە بالەت تەاترىندا؛ 2013 - جىلى - وسى اتالىممەن جەكە شىعارماشىلىق كەشى استانا قالاسىنداعى "قازاقستان" ورتالىق كونسەرت زالىندا ءوتتى.

1993 - جىلدان قازاق ۇلتتىق كونسەرۆاتورياسىندا جانە 2006 - جىلدان «ايگۇل ۇلكەنبايەۆانىڭ مەكتەپ-ستۋدياسىندا» ۇستازدىق قىزمەتپەن اينالىسادى.

ۇلكەنبايەۆانىڭ ورىنداۋىنداعى كۇيلەر «كۇي - انا» اۋديو-كاسسەتا، "قۇلاعىڭنان كەتپەسىن" توپتامالىق 2 ديسكى جانە «قۇلاعىڭنان كەتپەسىن» بەينە-كاسسەتا ، «اق شولپان»، «يرەڭ» ديسكىلەرى، «كۇي عۇمىر» اتتى كىتاپ ساردار باسپاسى، "ايگۇل - كۇيگە بار الەم تامسانادى..." اتتى ديسكى جارىق كوردى.

كۇيشى-دومبىراشى ايگۇل ۇلكەنبايەۆانىڭ جەتكەن جەتىستىكتەرىنىڭ ءبىر پاراسىن اتاپ ايتار بولساق تومەندەگىدەي؛

1981  3- رەسپۋبليكالىق جاس ورىنداۋشىلار بايقاۋ     1- ورىن

1983  قۇرمانعازى اتىنداعى 1-رەسپۋبليكالىق ورىنداۋشىلار بايقاۋ    3- ورىن

1986 باكۋ قالاسىندا وتكەن    ۋز. گادجيبەكوۆ اتىنداعى حالىق اسپاپتارىندا ورىنداۋشىلارىنىڭ حالىقار. بايقاۋ     3- ورىن

1985 رەسپۋبليكالىق «جىگەر» فەستيۆالىنىڭ    جۇلدەگەرى 1- ورىن

1992  قازاقستان "دارىن" مەملەكەتتىك جاستار سىيلىعىنىڭ  لاۋرەاتى

1998  رەسپۋبليكالىق كۇيشىلەر سايىسى   باس جۇلدە

1998 قازاقستان رەسپۋبليكاسىنىڭ ەڭبەك سىڭىرگەن ءارتيسى اتاعىنا يە بولعان.

ونىڭ دومبىراعا، كۇيگە ءۇيىر بولۋى اكەسىنىڭ دەمەۋىنەن باستاۋ العان ەكەن.

نوتانى بىلمەيتىن جەتكىنشەك، العاشقى كۇيلەرىن اپكەسى جيناعان ءۇنتاباقتاردان تىڭداۋ ارقىلى ۇيرەنگەن. ءسۇيتىپ شىعارمالاردى ورىنداۋعا داعدىلانادى.

ونىڭ  ءوزىن وزگەلەردەن ەرەكشەلەپ تۇراتىن قاسيەتى - وسى قۇيما قۇلاقتىق بولسا كەرەك.

ايگۇل ناريمان قىزى ۇلكەنبايەۆا بۇگىنگى كۇندە تالانتتى ورىنداۋشى ءھام كۇيشى رەتىندە حالىق قۇرمەتىنە بولەنگەن دارىن يەسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى