الماتىدا ءانۇراننان شاتاستى
مۇنداي قاتەلىككە بالۋان شولاق اتىنداعى سپورت سارايىنىڭ اكىمشىلىگى جول بەرگەن، دەپ حابارلادى «الماتى» تەلەارناسى.
ەسكى ءانۇران بىرنەشە سەكۋند قانا شىرقالسا دا كورەرمەندەر ونى بىردەن اڭعارىپ، تاڭىرقاستى. بۇل ويىن «الماتى» تەلەارناسى ارقىلى تىكەلەي ەفيردەن كورسەتىلىپ جاتقان بولاتىن.
سپورت سارايىنىڭ بۇل سۇرىنۋىنە مىڭداعان كورەرمەن دە كۋا بولدى.
ەسكە سالا كەتەيىك، 2013 - جىلىدىڭ 12 - قاڭتارىندا تۆەردىڭ جەرگىلىكتى كلۋبى مەن جوعارى حوككەي ليگاسىنىڭ ليدەرى «سارى ارقا» ويىنى باستالار كەزدە قازاقستان رەسپۋبليكاسىنىڭ قازىرگى ەمەس، بۇرىنعى ەسكى ءانۇرانى قويىلعان. جوعارى حوككەي ليگاسى بۇل قاتەلىك ءۇشىن «سارى ارقا» كلۋبىنان كەشىرىم سۇرادى جانە تۆەر حوككەي كلۋبىن ايىپپۇل تولەۋگە مىندەتتەدى. سونىمەن قاتار، رەسەيدىڭ بارلىق حوككەي كلۋبتارىنا بۇنداي كەمشىلىكتى قايتالاماۋ جونىندە ەسكەرتۋ جولداعان بولاتىن.
