الەمگە بەلگىلى برازيليالىق فۋتبول جاتتىقتىرۋشىسى ۆاندەرلەي لۋشەمبۋرگو قارۋلى توناۋدىڭ قۇربانى بولدى

بۇل تۋرالى جەرگىلىكتى ب ا ق حابارلادى.

وقيعا لۋشەمبۋرگو باعدارشامنىڭ قىزىل جارىعىنا توقتاعان كەزدە ورىن العان. توناۋشى موتوتسيكلمەن كەلىپ، جاتتىقتىرۋشىنى قارۋمەن قورقىتا وتىرىپ، ساعاتىن تارتىپ العان. «نەگىزى مەن بروندالعان كولىكپەن جۇرەتىنمىن. ءبىراق وسى جولى جاي ماشينامەن كەلە جاتقان ەدىم. قىلمىسكەر تاپانشاسىن مەنىڭ بەتىمە تاقاپ، ولتىرگىسى كەلمەيتىنىن، ءبىراق ءومىر سۇرۋگە اقشا تابۋعا ءماجبۇر ەكەنىن ايتتى»، - دەيدى ول.

ايتا كەتەيىك، قازىر 62 جاستاعى مامان «فلامەنگو» كلۋبىن باسقارادى.

لۋشەمبۋرگو برازيليالىق فۋتبول تاريحىندا وزىندىك رەكورد ورناتقان ادام. ول باسقارعان «كرۋزەيرو» كلۋبى ءبىر ماۋسىمدا برازيليا چەمپيوناتىن، ەل كۋبوگىن جانە شتات چەمپيوناتىن ۇتىپ الدى. سونداي- اق ءتورت كلۋبتى بەس رەت برازيليا چەمپيونى اتاندىرعان. بيىلعى شىلدەدە ول ءوز مانسابىندا ءتورتىنشى رەت «فلامەنگونىڭ» باس باپكەرى اتاندى. ال 2004- 2005 - جىلداردا مادريدتىك «رەالدى»، 1998-2000 - جىلداردا برازيليا قۇراماسىن جاتتىقتىردى.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى