الماتى كوشەلەرىندە پلاستيكتان جاسالعان وقۋشىلار پايدا بولدى

بۇل شارا بالالاردىڭ جاراقاتتانۋىن الدىن الۋ ءۇشىن ۇيىمداستىرىلعان، دەپ حابارلادى قالالىق ءى ءى د-نىڭ باسپا ءسوز قىزمەتى.

جەدەل ءىس- شارا 15 جانە 30 - تامىز ارالىعىندا وتكەن بولاتىن. شارا بارىسىندا 300 دەن اسا پروفيلاكتيكالىق اڭگىمەلەر مەن لەكسيالار ءوتتى.

اكىمشىلىك پوليتسيا ءبولىمىنىڭ قىزمەتكەرلەرى بارلىق ورتا ءبىلىم بەرەتىن مەكتەپتەردە اتا-انالار جينالىسىن وتكىزدى. ءتارتىپ ساقشىلارى بارلىق اۆتوكولىكتە بالالارعا ارنالعان قاۋىپسىزدىك بەلدىگىنىڭ بولۋىن تالاپ ەتتى.

«جاڭا قوسىلعان مەكتەپتەرگە اسا نازار اۋدارىلدى. قالامىزداعى 186 مەكتەپكە 15 ءبىلىم ورداسى قوسىلعان. قازىرگى تاڭدا 201 مەكتەپ بار. وسىعان بايلانىستى الماتى ق. ءى ءى د-نىڭ اكىمشىلىك پوليتسيا باسقارماسى باقىلاۋ اۋماعىن كەڭەيتىپ، قىزمەتكەرلەردىڭ سانىن كوبەيتتى»، - دەدى دەدى الماتى قالالىق ءى ءى د اكىمشىلىك پوليتسيا باسقارماسى باسشىسىنىڭ ورىنباسارى جاندوس مۇراتاليەۆ.

شارا بارىسىندا جارىق شىعاراتىن ونىمدەر (جابىستىرما- ستيكەرلەر «جۇرگىزۋشى! بالالاردىڭ ءومىرىن ساقتا!») شىعارىلدى. قاعازدار قالامىزدىڭ 300 ايالدامالارىندا، اۆتوبۋستاردىڭ ىشىندە جانە مەكتەپتەردە ءىلىندى.

سونىمەن قاتار، ءبىلىم مەكەمەلەرىنىڭ قاسىنا قويىلاتىن بالالار بەلگىلەنگەن 60 ماكەت جاسالدى.

«الماتى» تەلەارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى