بالا ءۇشىن ۇلكەن قاسىرەت
دوكتور جوناتان بەكمايەر جەتەكشىلىك ەتىپ جۇرگىزگەن زەرتتەۋگە 1998 جانە 2004 - جىلدارى اجىراسىپ كەتكەن 250 وتباسى قاتىستىرىلدى. ولاردىڭ بارلىعى زەرتتەۋ ساۋالنامالارىندا بۇرىنعى زايىبىمەن اجىراسۋ كەزىندە دە، اجىراسقاننان كەيىن دە سىيلاسىپ، بالالار ءۇشىن ارالاسىپ تۇرعانىن جازعان.
زەرتتەۋگە قاتىسقان اتا-انالاردىڭ شاڭىراق بۇزعان ۋاقىتتارىندا ەڭ كىشكەنتاي بالالارىنىڭ جاسى ورتاشا ەسەپپەن سەگىزدە بولعان. زەرتتەۋ ناتيجەسى بويىنشا، سول كەزەڭدەگى كىشكەنتاي بالا قينالىپ، وسە كەلە مىنەزىندە وزگەرىستەر پايدا بولعان. "بەيبىت" اجىراسقان سول وتباسىنىڭ بالالارى كۇيزەلىس پەن قايعىعا بەرىلگىش، ءتىپتى ناشاعا بەيىم بولىپ كەتكەن. اكە-شەشەسى اجىراسىپ جاتقاندا ولاردىڭ ساباقتارى دا ناشارلاعانىن عىلىمي زەرتتەۋ انىقتادى.
«ءبىز وسى ۋاقىتقا دەيىن ەرلى- زايىپتىلاردىڭ ءوزارا كەلىسە وتىرىپ، اجىراسۋى بالالار ءۇشىن اسا اۋىر بولمايدى دەپ ەسەپتەپ كەلدىك. شىندىعىندا اتا-اناسى ايقاي-شۋمەن اجىراسادى ما، جوق بەيبىت تۇردە نەكەلەرىن بۇزادى ما، ول جاعى بالالارعا ءبارىبىر. ەڭ جامانى ايىرىلىسۋ بالانىڭ ويىن بۇزىپ، قاتتى كۇيزەلتەدى، ىشكى جان دۇنيەسىن تالقاندايدى»، - دەيدى جوناتان بەكمايەر.
