شۇعىل: جوعالعان سەزي تابىلدى

قىركۇيەكتىڭ 5 ىنەن 6 سىنا قاراعان ءتۇنى قىزىلوردا قالاسىنىڭ تۇرعىنى بەلگىسىز ازاماتتىڭ «كاماز» جۇك كولىگىمەن ماڭعىستاۋ وبلىسىندا جوعالعان سەزيدى تاسىمالداپ بارا جاتقاندىعىن حابارلادى.

حابار تۇسكەن ساتتەن باستاپ قىزىلوردا جانە وعان جاقىن وبلىستاردىڭ جەكە قۇرامالارىنا اۆتوماشينانى ۇستاۋ تۋرالى نۇسقاۋ بەرىلدى. پوليتسيا ورگاندارىنىڭ جەدەل جۇمىستارىنىڭ ناتيجەسىندە تۇنگى ساعات ەكىدە قىزىلوردا وبلىسىنىڭ شيەلى اۋدانىنا قاراستى بايگەقۇم اۋىلىنا كىرەبەرىس بۇرىلىستا «كاماز» جۇك كولىگى جۇرگىزۋشىسىمەن جانە جولاۋشىسىمەن ۇستالدى، كولىكتەن جوعالعان كاپسۋلالار تابىلدى. قازىرگى ۋاقىتتا جۇرگىزۋشى مەن جولاۋشى شيەلى اۋداندىق ىشكى ىستەر بولىمىنە جەتكىزىلىپ، تەرگەۋ امالدارى جۇرگىزىلۋدە»، دەلىنگەن حابارلامادا.

ەستەرىڭىزگە سالا كەتەيىك، وقيعا 28- تامىزدا ورىن الدى. الايدا بۇل تۋرالى ت ج د- عا كومپانيا 30- تامىزدا عانا حابارلاعان. بۇل اقپارات دەرەۋ بارلىق ءتيىستى ورگاندارعا حابارلاندى. كونتەينەردى ىزدەۋگە 45 تەحنيكا جانە وبلىستىق قۇقىق قورعاۋ ورگاندارىنىڭ 257 قىزمەتكەرى جۇمىلدىرىلدى.

يزوتوپتى مۇناي-گاز سالاسىنداعى جۇمىستار ءۇشىن پايدالانعان. كونتەينەردە ديامەترى 8 ميلليمەتر جانە بيىكتىگى 12 ميلليمەتر كاپسۋلا بولعان.

«جوعالعان زاتتىڭ قۇنى - 85 مىڭ تەڭگە. بۇل تەحنوگەندىك يزوتوپ بيوسفەرانى لاستايتىن كۇشتى زات. كونتەينەر اشىلسا، رادياتسيالىق قاۋىپ تونەدى. كونتەينەر جابىق مەكەمەدە اشىلسا، وندا ادام ىشكى جانە سىرتقى ساۋلەلەنۋگە تاپ بولادى، دالادا اشىلسا، سىرتقى ساۋلەلەنۋ بولىپ، سەزيدىڭ كوپ بولىگى قورشاعان ورتانى لاستايدى»، - دەدى ب ن-350 رەاكتورلىق قۇرىلىمدى پايدالانۋدان شىعارۋ بويىنشا دەپارتامەنت ديرەكتورى يۋري شيروبوكوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى