شىمكەنتتىكتەر قىزدى قالاي الىپ قاشادى؟ - كەسكىن
قىز الىپ قاشۋ ارەكەتى شىمكەنتتىڭ قاق ورتاسىنداعى ورتالىق امبەباپ دۇكەننىڭ قاسىندا ۇيىمداستىرىلعان. ول جەردە جاسىل كويلەك كيگەن قىز جالعىز ءوزى قىدىرىپ جۇرەدى. سول ۋاقىتتا ەكى جىگىت قىزدىڭ قاسىنا كەلىپ، ونى كۇشپەن كولىكتەرىنە وتىرعىزباق بولادى. سول ساتتە جىگىتتەردىڭ قىزدى كۇشتەپ اكەتىپ بارا جاتقانىن كورگەن كوپتەگەن تۇرعىندار تەرىس اينالىپ، ءوز جونىمەن كەتە بارعان. الايدا قالا تۇرعىندارى اراسىندا قىزدى قۇتقارىپ قالماق بولعاندار دا تابىلدى. جۋرناليستەردىڭ «ءسىز نەگە اراشا ءتۇستىڭىز؟» دەگەن سۇراعىنا الگى جىگىت جاۋاپ بەرە المادى.
بۇل سەناري كەيىننەن ۋاليحانوۆ كوشەسىنىڭ بويىندا قايتالاندى. ول كەزدە قىزدىڭ شىڭعىرعان داۋىسىن ەستىگەن ازامات قىزعا بىردەن كومەككە كەلگەن. «قىز كومەك سۇراپ جاتقاندا قالاي كومەكتەسپەيسىڭ» ، - دەدى ول. ال «ۆوستوك» ىقشاماۋدانى اۋماعىندا ۇيىمداستىرىلعان شاراعا قىزعا كومەك كورسەتەر ەشكىم تابىلا قويعان جوق.
ودان ءارى بۇل ەكسپەريمەنت مومىش ۇلى كوشەسىندە جالعاستى. جۋرناليستەر ول كوشەدە دە ەش ناتيجە شىقپاسىن بىلگەننەن كەيىن، قالا تۇرعىندارىنىڭ نازارىن وزدەرىنە اۋدارماق بولىپ، ىسكە اكتەرلاردى ارالاستىرعان. سول ۋاقىتتا قىزعا اراشا تۇسۋشىلەر قاتارى بىردەن كوبەيە تۇسكەن. جۋرناليستەر باعدارلامانى جاساۋ بارىسىندا تۇرعىنداردى مۇنداي ماسەلەگە بەي-جاي قاراماۋعا شاقىرىپ، قىز الىپ قاشۋ ءبىزدىڭ ەلدە قىلمىس بولىپ سانالاتىنىن ايتقان.
ەستەرىڭىزدە بولسا، بۇعان دەيىن الەۋمەتتىك جەلىلەردە وڭتۇستىك قازاقستانداعى قىز الىپ قاشۋ وقيعاسى كورسەتىلگەن بولاتىن. ول ۋاقىتتا پوليتسەيلەر بەينەگە تۇسىرىلگەن قىزدى تابۋعا نيەتتەنگەن.
