جاڭاقالادا كۇي اناسى ديناعا ەسكەرتكىش ورناتىلدى

وعان قاتىسقان بەلگىلى اقىن، قازاقستاننىڭ ەڭبەك سىڭىرگەن قايراتكەرى، حالىقارالىق «الاش» سىيلىعى جانە «قۇرمەت» وردەنىنىڭ يەگەرى اقۇشتاپ باقتىگەرەيەۆا سوڭعى كەزدە جاڭاقالا اۋدانىندا كۇيشى- كومپوزيتورلارعا ۇلكەن قۇرمەت كورسەتىلىپ وتىرعانىن، بۇگىنگى شارا سونىڭ جارقىن مىسالى ەكەندىگىن اتاپ ءوتتى. دينا نۇرپەيىسوۆانىڭ جيەنى، توقسان جاستان اسقان ۇلمەكەن وتەگەنوۆا كۇيشى ۇرپاقتارى اتىنان ريزاشىلىعىن قارا ولەڭمەن جەتكىزدى.

كوپجاسار اۋىلدىق وكرۋگىنىڭ اكىمى ساعات بورانبايەۆتىڭ ايتۋىنشا، ەسكەرتكىش اۆتورى - ورالدىق ءمۇسىنشى رافاەل شامسۋتدينوۆ. ءمۇسىننىڭ بيىكتىگى تۇعىرىمەن قوسا ەسەپتەگەندە -1,8 مەتر. ونىڭ شىعىنىن جەرگىلىكتى شارۋا قوجالىقتارى مەن كاسىپكەرلەر كوتەردى.

اۋدان اكىمى لاۆر حايرەتدينوۆتىڭ سوزىنە قاراعاندا، تاعى ءبىر حالىق كۇيشىسى سەيتەك ورازالى ۇلىنىڭ ءمۇسىنى كورشىلەس بوكەي ورداسى اۋدانى حان ورداسىندا ورناتىلماق.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى