يمانعالي تاسماعامبەتوۆ تاەكۆوندودان قارا بەلبەۋ يەگەرى اتاندى

فەدەراتسيا پرەزيدەنتى ۆياچەسلاۆ كيم بۇكىل الەمدىك تاەكۆوندو فەدەراتسياسى اتىنان تاسماعامبەتوۆكە استانا قالاسى اكىمىنىڭ اتى-ءجونى تىگىلگەن قارا بەلبەۋ مەن جەتىنشى دان تۋرالى سەرتيفيكاتتى تابىس ەتتى. ۆياچەسلاۆ كيم ەل سپورتىن، ونىڭ ىشىندە تاەكۆوندونى دامىتۋعا زور ۇلەس قوسقانى ءۇشىن قالا باسشىسىنا العىسىن ءبىلدىردى.

يمانعالي تاسماعامبەتوۆ بولاشاقتا قازاقستانداعى تاەكۆوندونى دامىتۋعا ۇلەس قوسا بەرەتىنىن جەتكىزدى.

29-31- تامىز ارالىعىندا استانادا بۇكىل الەمدىك گران-پري دوداسى ءوتىپ، بۇكىل الەمدىك فەدەراتسيا باسشىلىعى ءبىزدىڭ ەلىمىزگە تولىق قۇراممەن كەلگەن بولاتىن. اتالعان توپتى باستاپ كەلگەن بۇكىل الەمدىك فەدەراتسيا پرەزيدەنتى چۋنگۆون چو يمانعالي نۇرعالي ۇلىنا قۇرمەتتى داندى ارنايى تاپسىرۋدى مىندەتتەدى.

ەسكە سالا كەتەيىك، 2014-جىلدىڭ باسىندا چو مىرزا نۇرسۇلتان نازاربايەۆپەن كەزدەسىپ، وعان توعىزىنشى داندى جانە ونىڭ بەلبەۋى مەن كيمونوسىن تابىس ەتكەن بولاتىن. مەملەكەت باسشىسى سول كەزدە بۇل كيمونونى تاەكۆوندودان ەڭ جوعارعى داندى يەلەنگەن قازاقستاندىق سپورتشىعا بەرىلەتىنىن ايتقان ەدى.

ايتا كەتۋ كەرەك، مۇنىڭ الدىندا، 2013-جىلى تاەكۆوندودان توعىزىنشى داندى رەسەي پرەزيدەنتى ۆلاديمير پۋتين دە يەلەنگەن بولاتىن. چۋنگۆون چونىڭ ايتۋىنشا، ر ف باسشىسى ۇرىس جەكپە-جەگىمەن جانە سپورتتىڭ باسقا دا تۇرلەرىمەن بەلسەندى اينالىسادى. بۇكىل الەمدىك فەدەراتسيا باسشىسى تاەكۆوندودان رەسەي قۇراماسىنىڭ تابىستى ونەر كورسەتىپ جۇرگەنىن دە اتاپ ءوتتى.

توعىزىنشى دان - تاەكۆوندوداعى ەڭ جوعارعى دارەجە. ول جەكپە-جەكتىڭ بۇل ءتۇرىنىڭ ۇلى شەبەرلەرىنە بەرىلەدى. الەمدە بۇل دارەجەگە ساناۋلى ادام عانا يە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى