الماتىدا كورنەكتى مەملەكەت قايراتكەرىن اقتىق ساپارعا شىعارىپ سالۋ ءراسىمى ءوتتى
الماتى اكىمى ا. ەسىموۆ ەلباسى نۇرسۇلتان ءابىش ۇلى نازاربايەۆ جولداعان كوڭىل ايتۋ جەدەلحاتىن وقىدى. وندا ق. تولەبەكوۆتىڭ تۋعان ەلىنىڭ وركەندەۋىنە سۇبەلى ۇلەسىن قوسقانى جايلى جازىلعان. قاسىم قاجىباي ۇلىنىڭ ەسىمى قازاقستان حالقىنىڭ ماڭگى ەسىندە قالماق.
«ۇيىمداستىرۋشىلىق جانە ىسكەرلىك قابىلەتتەرىنىڭ ارقاسىندا ول ەڭبەك جولىنىڭ باستاپقى كەزەڭىندە-اق ءوزىن ساۋاتتى جەتەكشى رەتىندە كورسەتتى. جوعارى لاۋازىمدى قىزمەتتەردىڭ اراسىندا شىمكەنت پەن الماتى وبلىستارىن باسقارعان مەرزىمى التىن ارىپتەرمەن جازىلعان»، - دەگەن ەل پرەزيدەنتىنىڭ كوڭىل ايتۋ جەدەلحاتىنداعى سوزدەرىن قالا باسشىسى كەلتىردى.
قاسىم قاجىباي ۇلى تولەبەكوۆ 1935-جىلى پەتروپاۆل قالاسىندا تۋعان. زووۆەتەرينارلىق ينستيتۋت پەن الماتىداعى جوعارعى پارتيالىق مەكتەپتى ءتامامدادى.
الماتى وبلىسىنىڭ پارتيالىق كوميتەتىنىڭ ءبىرىنشى حاتشىسى، اۋىل شارۋاشىلىق ءمينيسترىنىڭ ءبىرىنشى ورىنباسارى بولىپ قىزمەت ەتكەن. ءار جىلدارى جوعارى مەملەكەتتىك ناگرادالارعا يە بولعان. ەكى مارتە لەنين اتىنداعى، ەڭبەك قىزىل تۋ، قازان توڭكەرىسى وردەندەرىنە يە بولدى.
