استانادا جەدەل اۆتوبۋستار جەلىسى قۇرىلا باستادى
«ب ر ت - جىلدام جۇرەتىن اۆتوبۋستاردىڭ كولىك جۇيەسى. جولاۋشىلارعا ارنالعان جەدەل اۆتوبۋستار ارنايى سالىنعان جول جولاقتارىمەن جۇرەدى. ب ر ت استانا قالاسىنىڭ حالىقارالىق اۋەجايى، ەكسپو قالاشىعى، ءابۋ-دابي پلازا مەن جاڭا تەمىرجول ۆوكزالىنىڭ اراسىن قوسادى»، دەلىنگەن حابارلامادا.
جاڭا جۇيە بەتون جابىندى ارنايى تراسسا، تىرشىلىكتى قامتاماسىز ەتۋ كەشەندەرىمەن جابدىقتالعان جابىق ستانسالار، قاۋىپسىزدىك جۇيەلەرى، جولاقىسىن ەلەكتروندى تولەۋ جۇيەسى، ەسكالاتورلار مەن ليفتتەر، سونداي-اق دەپو مەن جىلجىمالى سوستاۆتان تۇرادى.
نەگىزگى جۇرەتىن جولدان بولەكتەلگەن ب ر ت اۆتوبۋستارى جۇرەتىن ارنايى جولدار جابىق جولاۋشىلار ستانسالارىمەن جانە جەراستى جوتكەلدەرىمەن جابدىقتالادى. ناقتىلانعان قوزعالىس ۋاقىتى ارالىعىندا باعىت ەرەكشەلىگىنە سايكەس جولاۋشىلار سىيىمدىلىعى اسا ۇلكەن اۆتوبۋستار جۇرەتىن بولادى.
اتاپ وتىلگەندەي، جولدا ءجۇرۋ بيلەتتەرى مەترو ءپرينتسيپى بويىنشا ساتىلادى. جولاۋشىلاردىڭ كولىكتەن شىعۋ جانە كىرۋى ەسەبىنەن دە قوزعالىس ۋاقىتى قىسقارادى.
اتاپ ءوتۋ كەرەك، ب ر ت جەلىسىنىڭ ءبىرىنشى كەزەگىندە 18 ستانسا سالىنادى.
