ۇشاق بورتىندا قازا تاپقان جولاۋشىنىڭ مۇردەسىن الماتىعا جەتكىزۋدى قامتاماسىز ەتەدى

اۋە كومپانياسىنان حابارلاعانداي، 122 جولاۋشىسى بار فرانكفۋرت-استانا باعىتىنداعى بوينگ-767 ۇشاعى كەستەگە ساي 4- قىركۇيەكتە جەرگىلىكتى ۋاقىت بويىنشا ساعات 19:55-تە ۇشقان. الايدا ءبىر جولاۋشىنىڭ جاعدايى ناشارلاپ، سامارا اۋەجايىنا ساعات 02:10 قونۋعا ءماجبۇر بولدى. وقيعا ورنىنا جەتكەن دارىگەرلەر ونىڭ ءومىرىن قۇتقارا المادى. باعىتىن جالعاستىرۋ ءۇشىن ۇشاق سامارا قالاسىنان جەرگىلىكتى ۋاقىت بويىنشا ساعات 05:10-دا ۇشىپ شىعىپ، استاناعا ساعات 09:10-دا كەلىپ قونعان.

«اۋە تاسىمالداۋشىسى قازا تاپقان جاننىڭ تۋىستارىن ساماراداعى قوناق ۇيگە جايعاستىرىپ، ولاردىڭ جۋىرداعى رەيسپەن سامارادان الماتىعا ۇشۋىن جانە قازا تاپقان جولاۋشىنىڭ دەنەسىن الماتىعا تەگىن تاسىمالداۋدى ۇيىمداستىردى»، دەلىنگەن حابارلامادا.

Samara.kp باسىلىمى حابارلاعانداي، قازا تاپقان جولاۋشى - گەرمانيانىڭ ازاماتى بۇرىن قازاقستان ازاماتى بولعان. ول ءوز تۋىستارىمەن استاناعا ۇشىپ بارا جاتقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى