ەۋروكوميسسيانىڭ جاڭا ءتوراعاسى بولاشاق ەۋروكوميسسارلاردىڭ ءتىزىمىن ۇسىندى

ەۋروكوميسسيانىڭ حابارلاماسىندا اتاپ وتىلگەندەي، تاعايىندالعان ەۋروكوميسسيانىڭ ءتوراعاسى ج.-ك. يۋنكەر بيىلعى جارتىجىلدىقتا ە و كەڭەسىنە ءتوراعالىق ەتەتىن ەل - يتاليانىڭ پرەمەر-ءمينيسترى ماتتەو رەنتسيگە ۇسىنىلعان ەۋروكوميسسارلاردىڭ ءتىزىمىن جولدادى.

ە و كەڭەسىندە كانديداتۋرالار بەكىتىلگەننەن كەيىن ءتىزىم ەۋرووداقتىڭ رەسمي جۋرنالىندا (ە و زاڭدارى جيناعى) جاريالاناتىن بولادى. بۇدان كەيىن ج. -ك. يۋنكەر ولاردىڭ اراسىندا پورتفەلدەردى ءبولۋ، سونداي-اق ەۋرووداقتىڭ كەلەسى قۇرامىنىڭ جۇمىسى قالاي ۇيىمداستىرىلاتىنى جونىندە جاريالايدى.

كەلەسى قادام وسى ءتىزىمنىڭ ەۋروپارلامەنتتە بەكىتىلۋى بولماق. بۇنىڭ الدىندا جوعارعى ەۋروپالىق زاڭ شىعارۋشى ورگاننىڭ ءتيىستى پارلامەنتتىك كوميتەتتەرىندە تىڭداۋلار بولادى. ەۋروپالىق پارلامەنت ءوزىنىڭ كەلىسىمىن بەرگەننەن كەيىن ەۋروپالىق كەڭەس ەۋروكوميسسيا مۇشەلەرىن تاعايىندايدى.

ج.-ك. يۋنكەر ۇسىنعان تىزىمدە قازىرگى ەۋروكوميسسارلاردىڭ بەسەۋى عانا بار، ەگەر ە و مەن ەۋروپارلامەنت ولاردى بەكىتسە، ەۋروكوميسسيانىڭ كەلەسى قۇرامىنا وتە الادى. ولاردىڭ اراسىندا - گەرمانيا وكىلى - گيۋنتەر ەتتينگەر، اۆستريادان - يوحاننەس حان، شۆەتسيادان - سەسيليا مالمسترەم، سلوۆاكيادان - ماروش شەفكوۆيچ، بولگاريادان - كريستالينا گەورگيەۆا بار.

 ەۋروكوميسسيانىڭ جاڭا قۇرامى وسى جىلعى 1- قاراشادا جۇمىسقا كىرىسۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى