مۇحتار شاحانوۆ ينۆەستيتسيا جانە دامۋ مينيسترلىگىنىڭ جينالىسىن سىنعا الدى

مەملەكەتتىك ءتىل جاناشىرى ايتىپ وتكەندەي، جيىندا تاراتىلعان كىتاپشانىڭ ىشىندە بىردە-ءبىر مەملەكەتتىك تىلدە ءسوز جوق.

- بىرنەشە ادام بايانداما جاسادى. سول باياندامالاردىڭ بىرەۋى مەملەكەتتىك تىلدە بولعان جوق. 1989-جىلى كەڭەس وداعىنىڭ قىلىشىنان قان تامىپ تۇرعان كەزدە ماسكەۋدە گورباچيەۆتىڭ الداپ، ماعان قارسى سويلەيمىن دەپ، «جەلتوقسان» پارتياسىن ايتقان سوزىندە «مەن بارلىق وداقتاس رەسپۋبليكالاردىڭ تىلدەرىنە، اۆتونوميالىق رەسپۋبليكالاردىڭ تىلدەرىنە مەملەكەتتىك مارتەبە بەرۋ ماسەلەسىن قويامىن» دەدى.

ءبىراق، قازاقستانعا كەلگەندە قازاق تىلىمەن قاتار ورىس ءتىلىن دە مەملەكەتتىك ەتتى. سودان كەيىن مەن قارسى شىعىپ، بۇنىڭ اياعى ... توقتاپ قالادى دەگەنىمدە، پرەزيدەنت مەنىڭ ءسوزىمدى قولداپ، «شاحانوۆتىڭ ءسوزىن قايتادان داۋىسقا سالايىق» دەدى. ءسويتىپ، ونىڭ ةرلئگئنىڭ ارقاسىندا قازاقتىڭ ءتىلى مەملەكەتتىك ءتىل بولعان ەدى. سودان بەرى مىنە، 25 جىل ءوتىپتى. قازىر بارلىق تەلەارنالار 50 پايىز مەملەكەتتىك تىلدە سويلەۋى كەرەك. ال، قازىر كەيبىر تەلەارنالاردا 15 پايىز، 20 پايىز، 25 پايىز... - دەدى م. شاحانوۆ.

مەملەكەتتىك تىلگە قاتىستى ءبىرقاتار كەمشىلىكتەردى ءتىزىپ شىققان اقىن جاڭا مينيسترلىككە الداعى ۋاقىتتا وسى ماسەلەلەرگە ءمان بەرۋىن ەسكەرتتى. ال، جيىندى قورىتىندىلاعان مينيستر اسەت يسەكەشەۆ كەلەسى جولى بارلىعىنىڭ قازاق تىلىندە سويلەيتىنىن جەتكىزدى.

Skifnews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى