بىرلىگىمىزدى كوزدىڭ قاراشىعىنداي ساقتاۋىمىز كەرەك
دوڭگەلەك ۇستەلگە ايماقتاعى بارلىق ەتنومادەني بىرلەستىكتەردىڭ وكىلدەرى، عالىمدار مەن وبلىس باسشىلىعى قاتىستى.
«وزگە ەلدەردەگى جاعدايدىڭ بىزدە قايتالانۋىنا ەش سەبەپ جوق. الايدا مۇنى كوزدەگەن تەرىس پيعىلدى ادامداردىڭ بولمايدى دەپ ەشكىم كەپىلدىك بەرە المايدى. سوندىقتان بۇگىن تۇيگەنىمىز - بىرلىگىمىزدى كوزدىڭ قاراشىعىنداي ساقتاۋىمىز كەرەك»، - دەدى سەرىكبايەۆ اتىنداعى ش ق م ت ۋ وقىتۋشىسى، پروفەسسور ليليا ۆيكتوروۆنا.
وتىرىسقا قاتىسۋشىلار ەلدەگى تۇراقتىلىق پەن بىرلىكتى ساقتاپ قالۋدىڭ جولى - جاستارعا پاتريوتتىق تاربيە بەرۋ دەگەن ورتاق توقتامعا كەلدى.
«قوزعالىستىڭ تۋۋىنا سەبەپ بولاتىن ەتنوسارالىق ەگەستەر، ساياسي پروبلەمالار شىعىس قازاقستاندا جوق. بىزدە بۇعان سەبەپ جوق. ءبىز پرەزيدەنت نۇرسۇلتان نازاربايەۆتىڭ تۇراقتىلىق، كەلىسىم جانە بەيبىتشىلىكتى ساقتاۋعا باعىتتالعان ساياساتىن ۇستانامىز. ءبىزدىڭ ايماقتا 105 ەتنوستىڭ وكىلدەرى مەكەن ەتەدى، 103 ەتنومادەني بىرلەستىك جۇمىس ىستەيدى، وڭىردە 9 دوستىق ءۇيى اشىلدى، وسكەلەڭ ۇرپاقتىڭ كوكەيىندەگى ساۋالدارعا شىنايى جاۋاپ بەرەتىن جاستاردىڭ ءتۇرلى قوعامدىق بىرلەستىكتەرى بار. الايدا بۇل ءاربىر اتا-انانىڭ دا مىندەتى. ءبىزدىڭ مىندەتىمىز - ەل ىشىندەگى جانە كورشى ەلدەرمەن دوستىعىمىزدى ساقتاۋ»، - دەپ تۇيىندەدى ش ق و اكىمى بەردىبەك ساپاربايەۆ.
دوڭگەلەك ۇستەلگە قاتىسۋشىلار ادامداردى حالىقتى ۇلتتارعا بولمەي، جاس ۇرپاققا بىرلەسىپ تاربيە بەرۋگە شاقىردى.
