نازاربايەۆ ۋنيۆەرسيتەتى مەن «سامۇرىق-قازىنا» قورى بىرنەشە باعىتتا بىرلەسىپ جۇمىس ىستەمەك - فوتو

«سامۇرىق-قازىنا» قورى مەن نازاربايەۆ ۋنيۆەرسيتەتى ءوزارا مەموراندۋم ازىرلەپ، وسى قۇجاتقا بۇگىن قول قويدىق. مەموراندۋم بويىنشا ءبىزدىڭ ناقتى ارىپتەستىك باعىتتار انىقتالعان. بىرىنشىدەن، عىلىمي-زەرتتەۋ سالاسىنداعى ارىپتەستىگىمىز، ەكىنشىدەن، ءبىلىم بەرۋ باعىتىنداعى سەرىكتەستىك، ۇشىنشىدەن، اقپاراتتىق تەحنولوگيالار سالاسىنداعى ىنتىماقتاستىق شارالارى قامتىلعان»، - دەدى ءو. شوكەيەۆ.

ونىڭ سوزىنە قاراعاندا، «نازاربايەۆ ۋنيۆەرسيتەتىنىڭ» ينتەللەكتۋالدى- يننوۆاتسيالىق كلاستەرىن دامىتۋ اياسىندا «سامۇرىق-قازىنا» ا ق- نىڭ كورپوراتيۆتىك عىلىمي- زەرتتەۋ ورتالىعىن اشۋ جوسپارلانىپ وتىر. ورتالىق حيميا ونەركاسىبى، مەتاللۋرگيالىق ونەركاسىپ ءۇشىن شيكىزات ءوندىرۋ، جاسىل ەنەرگەتيكا، جاسىل قۇرىلىس، قۋاتتى ۇنەمدەۋ مەن ءوندىرىستى ارتتىرۋ ىسىمەن شۇعىلدانادى. ىنتىماقتاستىقتىڭ مۇنداي ءتۇرى عىلىم مەن بيزنەستىڭ ءوزارا قارىم-قاتىناسىن جولعا قويىپ، عىلىمي ناتيجە مەن ۇلتتىق كومپانيالاردىڭ يننوۆاتسيالىق- تەحنولوگيالىق الەۋەتىن ارتتىراتىن زەرتتەۋ ينفراقۇرىلىمىن جاساۋعا مۇمكىندىك بەرەدى.

مۇنىمەن قوسا، ۋنيۆەرسيتەت جانىنان Executive Education باعدارلاماسىن ۇسىناتىن جانە بيزنەس سالاسىنا زەرتتەۋ جۇرگىزەتىن ورتالىق قۇرۋ جوسپارلانۋدا. بۇل ورتالىق قور قىزمەتكەرلەرى ءۇشىن اشىق تىركەلىمدەگى، ءارى تاماداعاندارعا دارەجە بەرەتىن كورپوراتيۆتىك باعدارلامالار جاساپ، ۇسىنادى. سونداي-اق، ۋنيۆەرسيتەت بىتىرۋشىلەر قور قۇرامىنا كىرەتىن كومپانيالاردا تاجىريبەدەن ءوتىپ، جۇمىسقا تۇرۋعا مۇمكىندىك الادى. اقپاراتتىق- كوممۋنيكاتسيالىق تەحنولوگيالاردى دامىتۋ ءۇشىن ونىمدىلىگى جوعارى ەسەپتەگىش رەسۋرستار جاسالىپ، ۋنيۆەرسيتەتتىڭ جوعارى بيزنەس مەكتەبىنىڭ اعارتۋشىلىق باعدارلامالارىن جۇزەگە اسىرۋعا قولداۋ كورسەتىلەتىن بولادى.

ءوز كەزەگىندە نازاربايەۆ ۋنيۆەرسيتەتىنىڭ رەكتورى شيگەو كاتسۋ اتالعان قۇجاتتا بىرلەسكەن ىنمىتاقتاستىقتىڭ ناقتى سالالارى قامتىلعانىن اتاپ ءوتتى. «سامۇرىق-قازىنا» قورى مەن ۋنيۆەرسيتەت اراسىنداعى مەموراندۋمعا سايكەس، وقۋ ورنىنىڭ عالىمدارى بۇل ىنتىماقتاستىققا ءتيىستى ۇلەس قوسادى دەگەن سەنىمدەمىن»، - دەدى ول.

بەلگىلى بولعانداي، مەموراندۋمدى جۇزەگە اسىرۋ ءۇشىن بەس جىلدىق مەرزىمگە جول كارتاسى جاسالادى. جول كارتاسىنىڭ ىسكە اسىرىلۋىن «سامۇرىق-قازىنا» ا ق مەن «نازاربايەۆ ۋنيۆەرسيتەتى» د ب ۇ وكىلدەرىنەن قۇرالعان باقىلاۋشى كوميتەت قاداعالايتىن بولادى. اتاپ ايتقاندا، تاراپتار نازاربايەۆ ۋنيۆەرسيتەتتىڭ ينتەللەكتۋالدى-يننوۆاتسيالىق كلاستەرىن دامىتۋدى؛ قوردىڭ، سونىڭ ىشىندە ەنشىلەس جانە تاۋەلدى ۇيىمداردىڭ (Executive Education Center) جەتەكشى قىزمەتكەرلەرى ءۇشىن اعارتۋشىلىق باعدارلامالاردى ىسكە اسىرۋدى؛ اقپاراتتىق-كوممۋنيكاتسيالىق تەحنولوگيالار مەن ۋنيۆەرسيتەتتىڭ جوعارى بيزنەس مەكتەبىن بىرگە دامىتۋدى كوزدەيدى.

ا

ۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى