قازاقستاندا جەتىم قالعان بالالار سانى كەمىپ كەلەدى

 بۇل تۋرالى كەشە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ءبىلىم جانە عىلىم مينيسترلىگى بالالار قۇقىعىن قورعاۋ كوميتەتىنىڭ ءتورايىمى ءزابيرا ورازاليەۆا ءمالىم ەتتى.

«قابىلدانعان شارالاردىڭ ارقاسىندا سوڭعى 5 جىلدىڭ ىشىندە ەلىمىزدەگى جەتىم بالالاردىڭ سانى 8812 ادامعا ازايدى. ال بالالار ۇيلەرىنىڭ تاربيەلەنۋشىلەرىنىڭ سانى 5237 بالاعا كەمىدى» ، - دەدى ز. ورازاليەۆا.

 ءبىلىم جانە عىلىم مينيسترلىگىنىڭ مالىمەتىنە سايكەس، رەسپۋبليكادا جەتىم جانە اتا- اناسىنىڭ قامقورلىعىنسىز قالعان  33680 بالا بار. ولاردىڭ ىشىندە  21856 بالا قازاقستاندىق وتباسىلاردىڭ قامقورلىعىندا، ال 1947 ى پاتروناتتىق ءتالىم- تاربيە الۋدا.

2015 - جىلدىڭ قاڭتارىنان بالا اسىراپ العان قازاقستاندىقتارعا ءبىر رەتتىك 148 مىڭ تەڭگە تولەنەدى.

«ەندىگى ۋاقىتتا 2015 - جىلدىڭ قاڭتارىنان باستاپ بالا اسىراپ الاتىن قازاقستان ازاماتتارىنا 75 ايلىق ەسەپتىك كورسەتكىش كولەمىندەگى ءبىر رەتتىڭ اقشا تولەنەتىن بولادى. ول 148650 تەڭگەنى قۇرايدى» ، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى