قازاقستان ا ق ش-پەن ستراتەگيالىق ارىپتەستىكتى دامىتۋعا زور ماڭىز بەرەدى - ق. توقايەۆ
جۇزدەسۋ بارىسىندا سەنات ءتوراعاسى قازاقستان امەريكا قۇراما شتاتتارىمەن ستراتەگيالىق ارىپتەستىكتى دامىتۋعا زور ماڭىز بەرەتىنىن اتاپ ءوتىپ، وسى ساپاردىڭ ەكىجاقتى ىنتىماقتاستىققا قوسىمشا سەرپىن بەرەتىنىنە جانە پارلامەنتارالىق بايلانىستاردى نىعايتاتىنىنا سەنىم ءبىلدىردى.
كونگرەسشىلەر ەگەمەندىك جىلدارىنداعى دەموكراتيالىق رەفورمالاردى جۇرگىزۋدەگى جانە ەكونوميكانى دامىتۋداعى قازاقستان قول جەتكىزگەن تابىستاردى اتاپ ءوتىپ، ءتۇرلى سالالارداعى ءوزارا ءتيىمدى ىنتىماقتاستىقتى تەرەڭدەتۋگە مۇددەلى ەكەندىكتەرىن ايتتى.
حالىقارالىق سالا ماسەلەلەرىن تالقىلاي كەلىپ، جۇزدەسۋشىلەر ۋكرايناداعى شيەلەنىستىڭ جالعاسا تۇسۋىنە الاڭداۋشىلىقتارىن ءبىلدىردى. ق. توقايەۆ قازاقستان پرەزيدەنتى نۇرسۇلتان نازاربايەۆتىڭ «مينسكى كەزدەسۋىن» ۇيىمداستىرۋ تۋرالى ۇسىنىسىن جانە ەلباسىنىڭ جاعدايدى رەتتەۋگە باعىتتالعان كۇش-جىگەرى مەن وندا ايتىلعان سىندارلى ۇسىنىمدارىن اتاپ ءوتتى.
