پايعامبارىمىزدىڭ (س. ا. ۋ.) ءومىرى جايلى وقۋلىق جارىق كوردى

رەسەيدىڭ پەنزا وبلىسىنىڭ مۇسىلماندارى ءدىني باسقارماسىنىڭ ۇجىمى «مۇحاممەد پايعامبار (اللانىڭ سالەمى مەن يگىلىگى جاۋسىن) - عالامنىڭ ماقتانىشى» نەمەسە «عالامنىڭ راقىم نۇرى» دەگەن تاقىرىپپەن وقۋلىق شىعاردى. كىتاپ «سۇرە» باسپاحاناسىنان باسىپ شىعارىلدى.

اتالمىش وقۋلىق ورىس تىلىندە جارىق كوردى، 430 بەتتەن تۇرادى. ادامزاتتىڭ اسىل ءتاجىنىڭ (اللانىڭ سالەمى مەن يگىلىگى جاۋسىن) عۇمىرىنان سىر شەرتەتىن وقۋلىق يسلامي ءبىلىم بەرەتىن باستاۋىش جانە ورتا سىنىپ وقۋشىلارىنا، سونىمەن قاتار، كوپشىلىك قاۋىمعا ارنالعان.

باعا جەتپەس وسىناۋ كىتاپتىڭ وسىدان كەيىن جارىق كورەتىن ەكىنشى تومىندا اقيىق ەلشىنىڭ (اللانىڭ سالەمى مەن يگىلىگى جاۋسىن) مەككەدەگى كەزەڭىن قامتيدى. وتكەن جىلى «سۇرە» باسپاسىنان «يسلام ءدىنىنىڭ ەرەجەلەرى مەن قاعيدالارىنىڭ ەنتسيكلوپەدياسى» اتتى كىتاپ وقىرماندارعا جول تارتقان ەدى.

muslim.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى