بۇگىن «التىن قالام» ادەبي جۇلدەسىنىڭ قىسقا ءتىزىمى جاريالاندى

بايقاۋعا 137 اۆتوردىڭ 364 شىعارماسى قاتىسقان بولاتىن. سولاردىڭ اراسىنان adebiportal.kz سايت وقىرماندارىنىڭ تاڭداۋى بويىنشا قىسقا ءتىزىم ىرىكتەلدى. جۇزدەن جۇيرىك، مىڭنان تۇلپار شىققان جۇلدەگەرلەر 10 - قىركۇيەك كۇنى انىقتالىپ، ماراپاتتالادى.

جىلدىڭ ەڭ ۇزدىك پوەزياسى

قازاق ءتىلى:

1. "جول" - ورازبەك ساپارحان

2. "شەتەلگە ساتىلعان سابيگە" - نۇركەن توقايەۆ

 3. "كۇيىنۋ" - سمايىل ىبراق ۇلى

4. "مەن قازاقپىن" - جاحين قۇنانباي

5. "باقىت ول" - ازات كادىرباي ۇلى

ورىس ءتىلى:

1. "سون سكازكا" - ديميتري دياتلوۆ

 2. "ۆەتەرانسكيي ناكاز" - يگور ۆاسيليۋك

3. "گوۆوريات، چتو مۋجچينى نە پلاچۋت" - كۋربان ريفكات

جىلدىڭ ەڭ ۇزدىك پروزاسى

قازاق ءتىلى:

1. "تايجارىس" - ەسبولات ايدابوسىن

2. "ساسكەدەن كەشكە دەيىن" - دارحان ناۋشاباي

 3. "كارى جايىق پەن بالا قايىقشى" - التىناي عابيت قىزى

4. "مۇڭلىق" - ساكەن سىبانباي

ورىس ءتىلى:

1. "پوۆەست و ليۋبۆي" - سادىكوۆ شاميل

2. "تام، گدە پرويدۋت كوني..." - يننوكەنتي الەكسەيەۆ

3. "ليۋبوۆ ي پروچيە بەزوبرازيا" - ۆەرا گاۆريلكو

4. "وتليچنيتسا پلەبەيكا" - داريا دجۋماگەلدينوۆا

5. "راسسكازى و ناشەي جيزني" - الما الدابەرگەنوۆا

جىلدىڭ ەڭ ۇزدىك دراماتۋرگياسى

قازاق ءتىلى:

 1. "جىندار پاتشالىعىندا" - توكەن الجانتەگى

2. "وتىڭ وشپەسىن" - اسكەرحان اقتاي

3. "شىرماۋىك دراما" - مۇرات قولعانات 

ورىس ءتىلى:

 1. "زاۆەشانيە يبرايا" - اقىلبەك شاياحمەت

2. "دوچ دراكونا" - ۆەرا گاۆريلكو

3. ودنواكتنايا پەسا- پوسۆياشەنيە س پرولوگوم ي ەپيلوگوم "چەلوۆەك!.. " - ايىم يسمايلوۆا

جىلدىڭ ۇزدىك بالالار شىعارماسى

 قازاق ءتىلى:

1. "كيىز ءۇي" - بوتاكوز قوسىمباي قىزى

2. "دوستىققا اينالعان ساياحات" - ميرا سەمباي قىزى

3. "قوشاقانىم قايدا ەكەن" - شاكەن كۇمىسباي ۇلى 

ورىس ءتىلى:

1. "امينا تۋران..." - زاۋرە تۋرەحانوۆا

2. "پريكليۋچەنيە ارمانا" - داريا دجۋماگەلدينوۆا

3. "يۆان ي رۋسالكا" - الەكساندر ۆايتس

4. "ترويكا" - ايگۋل تاسبولات

5. "مەكەنتايكا" - ۋاليحان ساگينحانوۆ

ەستەرىڭىزگە سالا كەتەيىك، "التىن قالام" سىيلىعىنىڭ ادەبي جۇلدەسى العاش رەت 2010 - جىلى وتكىزىلگەن بولاتىن. ەكىنشى رەت 2011 - جىلى، مىنە، ءۇشىنشى مارتە 2014 - جىلى ۇيىمداستىرىلىپ وتىر. "التىن قالام" ادەبي جۇلدەسىنىڭ ۇيىمداستىرۋشىلارى - قۋات دومباي، كەنجە جۇمان ۇلى، راسۋل جۇمالى، دوسىم ساتپايەۆ، ايدوس سارىم سىندى ازاماتتار. ولاردىڭ ايتۋىنشا، مۇنداي بايقاۋدى ۇيىمداستىرۋداعى ماقسات - ادەبيەتكە، ءسوز ونەرىنە دەگەن قابىلەتى بار دارىن يەلەرىن، قازىرگى زاماننىڭ قالامگەرلەرىن انىقتاۋ. "التىن قالامنىڭ" باسقا بايقاۋلاردان ايىرماشىلىعى - مۇندا قاتىسۋشىلاردىڭ شىعارمالارى اۆتورى كورسەتىلمەستەن adebiportal.kz سايتىنا جاريالانادى، ال ۇزدىكتەردى قاراپايىم عالامتور قولدانۋشىلار، وقىرماندار انىقتايدى.

بۇل ادەبي جۇلدە بولاشاق قالامگەرلەردىڭ شابىتىن شىڭداپ، ادەبيەتكە جاڭا لەپ اكەلۋگە مۇمكىندىك تۋعىزادى. جىلدان-جىلعا وسى بايقاۋعا قاتىسۋعا نيەت بىلدىرگەن اۆتورلاردىڭ قاتارى كوبەيە تۇسۋدە. ايتالىق، العاشقى جىلى بايقاۋعا 92 شىعارما قاتىسسا، بيىلعى جىلى شىعارمالار سانى 300 دەن اسىپ وتىر. سونداي-اق وسى جولى ءبىر اۆتور 3 شىعارماعا دەيىن بايقاۋعا ۇسىنۋعا مۇمكىندىك الدى.

"التىن قالامنىڭ" دەمەۋشىلەرى "كازكوممەرتسبانك"، Samsung، "بايتەرەك" كومپانيالارى جۇلدەگەرلەرگە وسى جولى قوماقتى قارجى بەرمەگەنمەن، قاتىسۋشىلاردىڭ شىعارمالارىن كىتاپ بولىپ جارىق كورۋىنە قولداۋ كورسەتپەك. بولاشاقتا جۇلدەگەرلەرگە قارجىلاي سىيلىق جاساۋ دا قاراستىرىلىپ وتىرعان كورىنەدى. 10 - قىركۇيەك كۇنى الماتىدا ىقىلاس اتىنداعى ۇلتتىق مۋزىكالىق اسپاپتار مۋزەيىندە جۇلدەگەرلەردى ماراپاتتاۋ ءراسىمى وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى