قىتاي جوعارعى حالىقتىق سوت ءتوراعاسى: سۋديالاردى ىرىكتەۋ مەن تاعايىنداۋ ستاندارتتارىن ناقتى ايقىنداۋ كەرەك
ونىڭ سوزىنە قاراعاندا، بۇگىندە قىتايدا 198800 سۋديا قىزمەت ەتۋدە. كوپتىگىنە قاراماستان، ولاردىڭ كاسىبي ساپاسى مەن بىلىكتىلىگى ءبىر دەڭگەيدە ەمەس.
«بۇل ءوز كەزەگىندە سۋديالاردى ىرىكتەۋ مەن تاعايىنداۋدىڭ تومەن دەڭگەيىنە، سونداي-اق ولاردى ىرىكتەۋ جانە تاعايىنداۋ پروتسەدۋراسىنا قاتىستى سىرتقى قاداعالاۋدىڭ اشىقتىعىنىڭ جەتكىلىكسىز بولۋىنا بايلانىستى»، - دەدى ول.
وسى ورايدا جاڭ ليوڭ قىتايدا بۇل پروبلەمانى شەشۋ ماقساتىندا رەفورمالار جۇرگىزۋ قاراستىرىلىپ وتىرعانىن ايتتى. بۇل تۇرعىدا ق ح ر-دا ىرىكتەۋدىڭ پروۆينسيالىق كوميتەتتەرى قۇرىلىپ جاتقان كورىنەدى. ونىڭ قۇرامىندا سوت جۇيەسىنىڭ وكىلدەرى، قورعاۋشىلار، عالىمدار قامتىلماق. كوميتەت سۋديا لاۋازىمىنا كانديداتتاردىڭ بىلىكتىلىگىن تىڭعىلىقتى تەكسەرەتىن بولادى.
ءسوز سوڭىندا جاڭ ليوڭ سۋديالاردى ىرىكتەۋ مەن تاعايىنداۋدىڭ ارنالارىن كەڭەيتۋ ماڭىزدى ەكەنىن اتاپ ءوتتى. ول سۋديالاردى ىرىكتەۋدىڭ ساتىلى جۇيەسىن قۇرۋ قاجەتتىلىگى تۋىنداپ وتىرعاندىعىن جەتكىزدى.
اۆتور: رۋسلان عابباسوۆ
