باسى اسپانعا قاراعان ەر ادام ەل قاتارلى ءومىر ءسۇرىپ جاتىر
بالا كەزىندە ول ارەڭ تىنىس الاتىن. دارىگەرلەر ونىڭ ۇزاق ءومىر سۇرە المايتىنىن ايتىپ، اناسىنا بالانى اشتان ولتىرۋگە كەڭەس بەرگەن، ءبىراق ايەل دارىگەرلەردى تىڭداماي، بالاسىنىڭ ەر جەتۋى ءۇشىن قولدان كەلگەنىن جاسادى، - دەپ جازادى Daily Mail.
انانىڭ ەڭبەگى اقتالدى. قازىر كلاۋديو 37 دە. ول جۇرت قاتارلى ءومىر ءسۇرىپ جاتىر، تەلەديدار مەن راديونى ءوزى قوسا الادى، ۇيالى تەلەفونمەن قوڭىراۋ شالا الادى، كومپيۋتەر مەن ينتەرنەتتى قولدانا الادى.
كلاۋديو كومپيۋتەر پەرنەتاقتاسىن اۋزىنا تىستەگەن قالاممەن تەرەدى. تەلەفون مەن كومپيۋتەر ءۇشىن ەرنىن پايدالانادى، ال كوشەدە قىدىرۋ ءۇشىن ارنايى اياق كيىم كيەدى. ونىڭ ءوز بەتىمەن كۇن كورۋگە تالپىنىسى مەن قيىندىقتى جەڭۋگە تىرىسۋى وعان مەكتەپتى ويداعىداي اياقتاۋعا، كەيىن فەيرا-دي-سانتانا مەملەكەتتىك ۋنيۆەرسيتەتىنەن ەسەپشى ديپلومىن الۋعا كومەكتەستى.
«بالا كەزىمدە مەن ۇنەمى وقىدىم، ويتكەنى وزگەلەرگە تاۋەلدى بولعاندى قالامادىم. قازىر مەن بانك ەسەبىمەن اينالىسامىن، كليەنتتەر ءۇشىن قارجىلىق زەرتتەۋ جۇرگىزىپ بەرەمىن»، - دەيدى كلاۋديو. ونىڭ ايتۋىنشا، بۇگىندە ول ءوز دەنەسىن كۇندەلىكتى ومىرگە ابدەن بەيىمدەي العان. «مەن قالىپتى اداممىن»، - دەيدى برازيليالىق.
«الاش ايناسى»
