استانانىڭ ساۋلەت نىساندارى اجارلانا ءتۇستى - فوتو
جوبانى جۇزەگە اسىرۋ ءۇشىن جارىق ديودتى ديناميكالىق جارىقتاندىرۋدىڭ زاماناۋي جۇيەلەرى قولدانىلعان. بۇل جابدىق جارىقتاندىرۋدىڭ جوعارعى ساپاسىن قامتاماسىز ەتىپ، سونداي- اق كەشكى جانە تۇنگى مەزگىلدە نىسانداردىڭ ساۋلەتتىك بەينەسىن ۇتىمدى تۇردە كورسەتۋگە مۇمكىندىك بەرەدى.
قالانىڭ جارىقتاندىرىلۋىن «لاين» ج ش س- گى Philips كومپانياسىنىڭ قولداۋىمەن ىسكە اسىرعان.
- ەستەتيكالىق تارتىمدىلىعى مەن جوعارى دەڭگەيدەگى اتقارىمدىلىعىنا قوسا كومەسكى ساۋلەمەن جارىقتاندىراتىن ساۋلەتتىك جۇيە ءبىرقاتار داۋسىز ارتىقشىلىقتارعا يە. ءبىرىنشى كەزەكتە، جارىق ديودتاردى قولدانۋ نىسانداردىڭ قۋات تيىمدىلىگىن ەداۋىر ارتتىرادى: ءاربىر كوپىردى كومەسكى ساۋلەمەن جارىقتاندىرۋعا جۇمسالاتىن جالپى قۋات مولشەرى 140 ك ۆ ت- تان اسپايدى، ال جابدىقتى اۋىستىرۋدىڭ ارقاسىندا استانا- بايتەرەك مونۋمەنتىنىڭ جارىقتاندىرۋ جۇيەسى تۇتىناتىن قۋات كولەمىن 85%- عا دەيىن (32 ك ۆ ت- تان 4,6 ك ۆ ت- قا دەيىن) تومەندەتۋگە مۇمكىندىك پايدا بولدى، - دەيدى «لاين» ج ش س اتقارۋشى ديرەكتورى ەلەنا بيبيك.
- نىسانداردى كومەسكى ساۋلەمەن جارىقتاندىرۋدىڭ ارتىقشىلىقتارىنا جۇيەنىڭ بارلىق بولىكتەرىنىڭ قىزمەت ەتۋ مەرزىمىنىڭ ۇزاقتىعىن جاتقىزۋعا بولادى، ول جابدىقتى جوندەۋ جانە وعان تەحنيكالىق قىزمەت كورسەتۋگە جۇمسالاتىن شىعىنداردى ايتارلىقتاي تومەندەتۋگە مۇمكىندىك بەرەدى، سونداي- اق اتالعان جۇيە اتموسفەرالىق اسەرلەرگە ءتوزىمدى كەلەدى، بۇل استانانىڭ قيىن كليمات جاعدايلارى ءۇشىن اسا ماڭىزدى، - دەدى Philips كومپانياسىنىڭ رەسەي مەن ت م د ەلدەرىندەگى بيزنەستى ىسكە اسىرۋ مەنەدجەرى سەرگەي بوگدانوۆ.
بۇگىنگى كۇنى استانانىڭ كوركى بايتەرەك، سارى ارقا داڭعىلى مەن شالقىما كوشەسى بويىنداعى كوپىرلەرگە ارناپ كومەسكى ساۋلەمەن جارىقتاندىرۋ جۇيەسى جوبالاپ ورناتىلعان. وسى رەتتە سارىارقا جانە تۇران داڭعىلدارىن قوساتىن كوپىر PhilipsColorKinetics جابدىعىن قولدانا وتىرىپ قۇرىلعان ورتالىق ازياداعى وسىنداي اۋقىمداعى تۇڭعىش جوباعا اينالىپ وتىر.
- Philips كومپانياسىنىڭ زاماناۋي جارىقتاندىرۋ جابدىعى ساۋلەتتىك نىسانداردى كومەسكى ساۋلەمەن جارىقتاندىرۋ جۇيەلەرىن قۇرۋ ءۇشىن شەكسىز مۇمكىندىكتەر اشادى: LED- شىراق تۇرلەرىنىڭ كەڭدىگى كوپىرلەردىڭ ساۋلەتتىك- مۇسىندىك بولىكتەرىنىڭ ۇلتتىق بوياۋىن بارىنشا ايشىقتاپ، ەستەتيكالىق تۇرعىدان ونىڭ شىرايىن كىرگىزىپ قانا قويماي، سونىمەن بىرگە ولاردىڭ اتقارىمدىلىق دەڭگەيىن دە ارتتىردى: زاماناۋي مودۋلدەردىڭ ارقاسىندا كومەسكى ساۋلەمەن جارىقتاندىرۋ جۇيەسىن قاشىقتىقتان باسقارۋعا بولادى، بۇل كومەسكى ساۋلەمەن جارىقتاندىرۋ ۇلگىسىن وڭاي وزگەرتۋگە مۇمكىندىك بەرەدى، - دەيدى ەلەنا بيبيك.
اينۇر راكيشەۆا، عابيت ماداليەۆ
Baq.kz
