ەندى «قازاقستان ارۋىن» حالىق تاڭدايدى

«بيىلدان باستاپ، ەلىمىزدىڭ ەڭ سۇلۋىن حالىق تاڭدايدى. ءادىل قازىلار القاسى 3 فيناليست قىزدى ىرىكتەيتىن بولادى. 2014-جىلدىڭ 28- قاراشاسىندا بايقاۋدىڭ فينالى وتەدى. مۇندا ءبىز تىكەلەي ەفيردەن ونلاين جانە سمس داۋىس بەرۋ جەلىسىن اشامىز. ال داۋىس بەرۋ ۇدەرىسىن سايت ارقىلى كەز-كەلگەن ادام باقىلاي الادى. وسىلايشا، كونكۋرس اشىق ءارى جاريا وتەدى»، - دەدى الەنا ريۆلينا كىرباسوۆا.

ونىڭ ايتۋىنشا، مۇنداي فورمات «ءادىل قازىلار اراسىنداعى بارماق باستى، كوز قىستى» تۋرالى قاۋەسەتتەردى جويۋعا كومەكتەسەدى.

«ءبىز نە ءۇشىن مۇنى ۇيىمداستىرىپ وتىرمىز؟ جىلدا دودادان سىرت قالعان قىزداردىڭ جاقتاۋشىلارى «بۇنىڭ ءبارى ساتىلىپ الىندى، ادىلەتسىز» دەپ جاتادى. ەندى، ول ستەرەوتيپتى بۇزامىز. كىم توپ جاراتىنىن ءبىز دە، جيۋري مۇشەلەرى دە بىلمەيتىن بولادى. داۋىس بەرۋدى تىكەلەي ەفير ارقىلى قورىتىندىلايتىن بولامىز»، - دەدى ديرەكتور.

2010-جىلعى الماتىنىڭ ەڭ سۇلۋ ارۋى اتانعان، «ميسس قازاقستان-2010» بايقاۋىندا ەكىنشى ورىندى يەلەنگەن سالتانات بەكجىگىتوۆا دا جاڭا وزگەرىس بايقاۋدى ءادىل ەتۋىنە اسەر ەتەدى دەپ سانايدى.

«مەن بايقاۋدا توپ جارعان كەزدە جيۋري مۇشەلەرىنە، ۇيىمداستىرۋشىلارعا كوك تيىن بەرگەن جوقپىن. ءبىراق، جەڭىمپاز اتانعان كەزىمدە مەنىڭ اتىما «مىناۋ جۇلدەنى ساتىپ العان»، «ءادىل وتپەدى» دەگەن سياقتى سوزدەر بولدى. وسىنداي قاڭقۋ ءسوزدىڭ ەش نەگىزسىز ەكەندىگىن دالەلدەۋ كەرەك»، - دەدى سالتانات.

بيىلعى بايقاۋعا بەلگىلى ءانشى لۋينا، تەلەجۇرگىزۋشى سالتانات بەكجىگىتوۆا، ءانشى ءالي وقاپوۆ، يليا يلين، مارات ورالعازين قازىلىق ەتەتىن بولادى.

بايقاۋعا قاتىسام دەگەن قىزدار ونلاين تىركەلۋدەن ءوتۋى ءتيىس. كەيىن تىركەلگەن ايماق بويىنشا كاستينگتەن وتەدى. 2014-جىلدىڭ 1-30- قازان ارالىعىندا بايقاۋ كوميتەتى ءار ايماققا بارىپ، 100 سۇلۋ قىزدى ىرىكتەپ الادى.

ودان كەيىن 4-15- قازان ارالىعىندا قازاقستاننىڭ كەز-كەلگەن ازاماتى misskazakhstan.kz سايتى ارقىلى ەڭ ۇزدىك 5 فيناليستى انىقتايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى