جۇك كولىگى الماتىدا ءبىر قىزدى باسىپ كەتتى
وقيعا ورنىندا بولعان پوليتسەيلەردىڭ مالىمەتىنشە، قىتايدا شىعارىلعان جۇك كولىگى لۋگانسكيي كوشەسىمەن وڭتۇستىك باعىتقا قاراي كەلە جاتىپ، وڭ جاققا - ساتبايەۆ كوشەسىنە بۇرىلماق بولدى. سول كەزدە 14-16 جاس شاماسىنداعى قىز قۇربىسىمەن بىرگە ساتبايەۆ كوشەسىن كەسىپ ءوتىپ بارا جاتقان.
ازىرشە وقيعانىڭ سەبەبى بەلگىسىز. العاشقى جورامال بويىنشا، جۇك كولىگىنىڭ جۇرگىزۋشىسى جاياۋلاردى بايقاماي قالعانعا ۇقسايدى. قىزدىڭ باعدارشامنىڭ قىزىل نەمەسە جىپىلىقتاعان جارىعى جانعان كەزدە جۇگىرىپ وتپەك بولۋى دا ىقتيمال. جۇك كولىگىنىڭ جۇرگىزۋشىسى ۇستالدى، ول پوليتسياعا جاۋاپ بەرىپ جاتىر.
ەسكە سالا كەتەيىك، وسىنداي وقيعا 2011 - جىلى بولعان ەدى. جۇك كولىگىنىڭ جۇرگىزۋشىسى ساتبايەۆ جانە روزىباكيەۆ كوشەلەرىنىڭ قيىلىسىندا ەگدە ايەلدى قاعىپ كەتكەن بولاتىن. 83 جاستاعى زەينەتكەر وقيعا ورنىندا جان تاپسىردى. ال2010 - جىلى ۇلكەن جۇكتى كولىك بوكەيحانوۆ جانە ۇيعىر كوشەلەرىنىڭ قيىلىسىندا جاياۋلار جولىنان ءوتىپ بارا جاتقان ايەلدى باسىپ كەتكەن ەدى. زەينەتكەر اۋرۋحانادا قايتىس بولدى. Fude-3256 كولىگىنىڭ رۋلىندە قاپشاعاي قالاسىنىڭ 26 جاستاعى تۇرعىنى بولعان، كولىك الماتىداعى كاسىپورىنداردىڭ بىرىنە تيەسىلى.
