الماتى وبلىسىندا ورالماندار الاياقتىڭ ارباۋىنا ءتۇسىپ قالعان

پوليتسيا دەرەكتەرىنە سۇينەسەك، ق ر ق ك 177- بابىنا سايكەس 6 قىلمىستىق ءىس قوزعالعان.

جاپا شەككەندەر - كورشىلەس مەملەكەتتەردەن تاريحي وتانىنا ورالعان قازاق جانۇيالارى.

«بەلگىلى بولعانداي، كۇدىكتى وتانىنا ورالعانداردىڭ بانك سالاسىنداعى قازاقستاندىق زاڭنامانى بىلمەۋىن پايدالانعان. وڭاي اقشا تاپپاق بولعان ايەل ورالماندارعا تالدىقورعانداعى ەكىنشى دەڭگەيلى بانكتەردەن ءىرى كولەمدەگى نەسيە الۋعا جاردەمدەسەتىنىن ايتقان.

ول جالعان (قابىلدانباعان) ۇكىمەتتىك قاۋلىلارعا سىلتەمە جاساپ، ولاردىڭ كومەگىمەن ءوز بيزنەسىن اشۋ ءۇشىن از پايىزدىق مولشەرلەمەمەن نەسيە بەرىلەتىنىن جەتكىزگەن»، - دەلىنگەن حابارلامادا.

قىلمىستىق ءىس ماتەريالدارى بويىنشا جاپا شەككەندەر سەزىكتىگە بۇل قىزمەتى ءۇشىن 3 ميلليون تەڭگەدەن استام قاراجات تولەگەن.

تەرگەۋ امالدارى جۇرگىزىلىپ جاتقان ۋاقىتتا كۇدىكتى ەشقايدا كەتپەۋ تۋرالى قولحاتپەن بوساتىلدى. پوليتسيا ونىڭ وزگە قىلمىستارعا قاتىسى بار-جوعىن تەكسەرۋدە، وتىنىشتەر كەلىپ ءتۇسىپ جاتىر، دەپ حابارلادى ءى ءى د- نەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى