شىمكەنتتەگى ۇيدەن الىپ كەسىرتكە شىقتى- فوتو
بۇل تۋرالى وڭتۇستىك قازاقستان وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى حابارلادى.
مامانداردىڭ مالىمەتىنە سۇيەنسەك، شىمكەنتتەگى «سامال - 3» شاعىن اۋدانىنىڭ تۇرعىنى جەدەل- قۇتقارۋ توبىنا حابارلاسىپ، كومەك سۇرايدى. ايتۋىنشا، ۇيىنە الىپ كەسىرتكە كىرىپ كەتكەن ەكەن. قۇتقارۋشىلار تەز ارادا كورسەتىلگەن مەكەنجايعا كەلەدى. انىق بولعانى، شاقىرۋسىز كەلگەن «قوناقتىڭ» ۇزىندىعى ءبىر مەتردەن اسادى.
باۋىرىمەن جورعالاۋشىنىڭ ءتۇرى سۇستى بولعانى ازداي، ءوزى ىسىلداپ، سەس كورسەتكەن. مۇنداي الىپ كەسىرتكەنى بۇرىن- سوڭدى ءۇي اۋلاسىنان كەزدەستىرمەگەن قۇتقارۋشىلار جارتى ساعاتقا جۋىق ۋاقىت دەگەندە كەسىرتكەنى ارنايى قۇرالمەن ارەڭ ۇستاپ الدى. سودان كەيىن شىمكەنت زووباعىنا تاپسىرعان. قۇداي ساقتاعاندا ادامداردىڭ ەشقايسىسى زارداپ شەككەن جوق.
otyrar.kz
