ءسىز «ءولىم كولى» جايلى اقيقات پەن اڭىزدى بىلەسىزبە؟ - فوتو/كەسكىن
عالامتور بەتتەرىندەگى جالعان اقپارات ناتيجەسىندە تاراعان كول تۋرالى اڭىز كەڭگە جايىلعان. ونىڭ قورعاسىندى-كۇكىرتتى سۋىندا ەشقانداي تىرشىلىك يەسى مەكەن ەتپەيتىنى، قۇستاردىڭ ءوزى ونى اينالىپ ۇشاتىنى جايلى جازىلادى. ءتىپتى، سيتسيليالىق مافيا ءوز قۇرباندارىن وسى كولگە لاقتىرىپ وتىرعان دەگەن دەرەكتەر دە بار. ويتكەنى، كولگە تۇسكەن تىرشىلىك كوزىنەن ءبىر دەمدە تۇك تە قالمايدى دەگەن اقپاراتتار كەلتىرىلگەن. «ءولىم كولى» رەتىندە يەللوۋستوۋندا ورنالاسقان عاجايىپ كولدىڭ سۋرەتى كورسەتىلىپ ءجۇر.
«ءولىم كولىنىڭ» بار ەكەنىن جەرگىلىكتى تۇرعىندار دا راستامايدى. ولار ءومىر ءسۇرىپ جۇرگەن ايماعىندا ەڭ ۋلى كول بار ەكەنىنە سەنبەيدى دە. جەرگىلىكتى تۋريستىك ءبىر سايتتىڭ اقپاراتى بويىنشا، «ءولىم كولى» بولۋى مۇمكىن دەگەن كول پالاگونيا اكىمشىلىك ورتالىعىنا قارايتىن كاتانيا ايماعىندا ورنالاسقان دەپ جازادى.
كولدىڭ كولەمى 480 فۋتقا دا جەتپەيدى. جاز مەزگىلىندە كول سۋى تارتىلىپ كەتەدى ەكەن. ال جەرگىلىكتى تۇرعىندار بۇل كول تۋرالى اڭىزدان بەيحابار. ونى سۋ قويماسى دەپ اتايدى. ونىڭ ۋلى ەمەس ەكەندىگى دە انىق. ويتكەنى، كول ەتنا جانارتاۋىنا جاقىن ايماقتا ورنالاسقانمەن، ول ماڭدا ادامدار ءومىر ءسۇرىپ، تىرشىلىگىن جاساپ وتىر ەكەن.
عالامتور بەتتەرىندەگى جالعان اقپاراتتار نەگىزىندە اڭىزعا اينالىپ شىعا كەلگەن كولدى يتاليالىقتار « Laghetti di Naftia» دەپ اتايدى. «ءولىم كولى» - ۇلكەن كول ەمەس، سۋ قويماسى بولعان. العاش رەت سۋ قويماسىنا جانارتاۋ زەرتتەۋ ىسىمەن اينالىسۋشى گاەتانو پونتە زەرتتەۋ جۇرگىزگەن. ونىڭ دەرەكتەرىندە كولدە كومىرقىشقىل گازىنىڭ مول ەكەندىگى تۋرالى دەرەكتەر كەلتىرىلمەگەن. «ءولىم كولى» اتاعىنا يە بولعان سۋ قويماسىنىڭ ⅩⅨعاسىردىڭ سوڭى مەن ⅩⅩعاسىر باسىنداعى سۋرەتتەرى دە بار ەكەن. ەندەشە قاراي وتىرايىق.
1888-جىل
1896-جىل
1897-جىل
كول ىشىندە ءشوپتىڭ ءوسىپ تۇرعانى انىق كورىنىپ تۇر
ال ودان كەيىن كول ەكى سۋ قويماسىنا بولىنگەن
1905-جىل
ۋاقىت وتە سۋ قويماسىنىڭ دا سۋى تارتىلعان
1908-جىل
سۋ قويماسىنىڭ ورنى عانا قالعان
ⅩⅩعاسىردىڭ 30- جىلدارى سۋ قويماسىنىڭ الابى قايتا كەڭەيىپ، ارناسىنا سۋ تولا باستاعان. مۇنى تومەندەگى LUCE - 0771 جۋرنالى مۇراعاتىنداعى بەينەتاسپادان بايقاۋعا بولادى. ودان كەيىنگى كەزەڭدە سۋ قويماسى ماڭىنا كىشىگىرىم زاۋىتتار سالىنىپ، كومىرقىشقىل گازى وندىرىلە باستاعان دەگەن دە دەرەكتەر بار.
دايىنداعان: ومىربەك سانسىزباي
massaget.kz
