ا ق ش مەملەكەتتىك دەپارتامەنتىندە مۇسىلمان جىگىتى جۇمىسقا تاعايىندالدى
قازىرگى كەزدە قۇقىق قورعاۋشى بولىپ قىزمەت اتقاراتىن زافار ونداعان جىلدار بويى فەدەرالدى اگەنتتىك شىڭداۋىنان ءوتىپ، ادام قۇقىقتارى مەن مۇسىلمان الەمىنىڭ تۇيتكىلدەرى بويىنشا ءبىلىم جيناعان.
«ا ق ش ۇكىمەت قۇرامىنداعى مۇسىلماندارعا قاتتى سەنە بەرمەيدى»، - دەيدى زافاردىڭ ءوزى قىزمەتتىك تاعايىنداۋعا قاتىستى بەرگەن سۇحباتىندا.
جاڭا جۇمىسىنا كىرىسۋ ءۇشىن زافار مەملەكەتتىك دەپارتامەنتتىڭ بىلتىرعى جىلى عانا اشىلعان جاڭا بولىمشەسىنە اۋىساتىن بولدى. ول جەردە ونىڭ قاراماعىندا 25 مامان جۇمىس اتقارادى.
جاڭا قىزمەتكە تاعايىندالعان تەحاستىق قۇقىق قورعاۋشىنىڭ الدىندا ايتارلىقتاي جاۋاپتى تاپسىرما كۇتىپ تۇر. ولاردىڭ ەڭ العاشقىسى - مۇسىلمان جاماعاتى الدىندا باراك وباما بەدەلىن قالپىنا كەلتىرۋ. رامازان ايىندا اق ۇيدە جايىلعان اۋىزاشار داستارحانىندا يزرايل ەلشىسى ءسوز سويلەپ، ىلە-شالا وبامانىڭ ونى جاقتاعانىن مۇسىلمان جاماعاتى ءالى ۇمىتا قويعان جوق.
