وليمپيادا شەمپيونى بەكزات ساتتارحانوۆقا ەسكەرتكىش قويىلدى
جاس سپورتشىنىڭ جۇلدىزى 2000-جىلى سيدنەيدە وتكەن جازعى وليمپيادا ويىندارىندا جارقىراپ جانعان ەدى. جارتىلاي جەڭىل سالماقتا التىن جۇلدەنى جەڭىپ العان بوكسشى قازاقستاننىڭ تۋىن كوتەرىپ، رينگتى اينالا جۇگىرگەن كەزى ەلدىڭ كوز الدىندا. ءبىراق سودان 3 اي وتكەن سوڭ، قازاق ەلى جول اپاتىندا ارداقتى ۇلىنان ايىرىلىپ قالدى.
بۇگىن ەسكەرتكىشتىڭ اشىلۋ سالتاناتىنا ەلىمىزدىڭ داڭقتى سپورتشىلارى، وليمپيادا چەمپيوندارى مەن زيالى قاۋىم وكىلدەرى قاتىستى. بەكزات ساتتارحانوۆ اتىمەن اتالاتىن سپورتتىق مەكتەپ-ينتەرناتتىڭ الدىنا بيىكتىگى 3 مەتر ءمۇسىن قويىلدى.
«ارىستاي ازاماتىمىز، قىرشىنداي كەتكەن جاسىنا قاراماي ەڭبەگىن باعالاپ، وسى ەسكەرتكىشتى سالعان ازاماتتارعا راحمەت. بۇل كەلەشەك ۇرپاققا ۇلگى. ءبىزدىڭ تىلەگىمىز، ەلدىڭ تىلەگى وسى جاستارعا ايتارىم، ءبىزدىڭ جولىمىزدى باسا بەرسە ەكەن. قازاق حالقىنىڭ كىم ەكەنىن دۇنيەجۇزىنە تانىتسىن دەپ تىلەيمىز»، - دەگەن جۇرەكجاردى تىلەگىن ءبىلدىردى اتاقتى سپورت ارداگەرى جاقسىلىق ۇشكەمپىروۆ.
