وسكەمەندەگى ەكى مەكتەپكە ون ەكى جىلدىق ءبىلىم بەرۋ ەنگىزىلەدى
«وقۋشىلاردىڭ جالپى سانى وتكەن جىلمەن سالىستىرعاندا 1200 ادامعا، ال ءبىرىنشى سىنىپتاعىلار 400 گە كوبەيدى»، - دەدى جاڭا وقۋ جىلىنىڭ اشىلۋ سالتاناتىندا قالالىق ءبىلىم بەرۋ ءبولىمىنىڭ باسشىسى الەكساندر كۋزنەتسوۆ. ءبىلىم كۇنىنە ارنالعان سالتاناتتى راسىمدە ول بالالار مەن ولاردىڭ اتا-انالارىنا توزىمدىلىك پەن تىنىشتىق، ال بارشا قالا تۇرعىندارىنا ءوزارا تۇسىنىستىك، دەنساۋلىق، باق پەن بەرەكە تىلەدى.
قالالىق ءبىلىم بەرۋ ءبولىمى باسشىسىنىڭ اقپاراتىنا قاراعاندا، بيىلعى جىلى وبلىس ورتالىعىنداعى ەكى مەكتەپكە تاجىريبە رەتىندە ون ەكى جىلدىق وقۋ جۇيەسى ەنگىزىلەدى.
