بۇگىن قازاقستاندا ءبىلىم كۇنى اتاپ وتىلۋدە - فوتو
قازاقستاننىڭ باس قالاسى - استانادا بەس جاڭا مەكتەپ اشىلدى. ولاردىڭ ءارقايسىسى 1200 ەلوردالىق وقۋشىلاردى قابىلداي الادى. ولاردىڭ بىرىندە، 75№ زاماناۋي گيمنازيادا مەملەكەت باسشىسى نۇرسۇلتان نازاربايەۆ بولىپ، ونى ارالاپ كوردى.
بۇل وقۋ ورنىندا زاماناۋي جابدىقتارمەن، كونفەرەنتس- زالمەن، ينتەراكتيۆتى جابدىقتارمەن جاراقتانعان 56 كابينەتتەرى، ەلەكتروندىق ابونەمەنتتى كىتاپحاناسى بار. مەكتەپتە وقۋشىلاردىڭ عارىش، مەديتسينا سالاسىندا عىلىمي-زەرتتەۋلەرمەن اينالىسۋى ءۇشىن زەرتحانا جاساقتالعان.
مەملەكەت باسشىسى بارشا قازاقستاندىقتاردى ءبىلىم كۇنىمەن قۇتتىقتادى. پرەزيدەنت بالانىڭ جاقسى ازامات بولىپ ءوسۋى اتا-انالارى مەن مۇعالىمدەرىنە بايلانىستى ەكەنىن جەتكىزدى.
- بالالاردى پاتريوتتىق پەن تولەرانتتىلىق رۋحىندا تاربيەلەۋ كەرەك. ولار دوستىققا ادال بولىپ، اتا-انا مەن ۇلكەندەردى قۇرمەتتەۋى ءتيىس. وسىنىڭ ءبارى ءبىزدىڭ قوعامنىڭ ەشقاشان ءمانىن جوعالتپايتىن قۇندىلىقتارى، ءبىز ونى بالالارىمىزعا ميراس ەتۋىمىز كەرەك»، - دەپ اتاپ كورسەتتى مەملەكەت باسشىسى.
سالتاناتتى جيىن جانە اشىق ساباقتار ەلدىڭ بارلىق وڭىرلەرىندە ءوتتى. ناق وسى كۇنى بالعىن قازاقستاندىقتار ءۇشىن 63 جاڭا مەكتەپتىڭ ەسىكتەرى ايقارا اشىلدى. ال تاۋەلسىزدىك جىلدارى ەلىمىزدە 1 مىڭ مەكتەپ سالىندى.
