قىزىلوردالىقتار نانجيڭ وليمپياداسىنىڭ چەمپيونىن كۇتىپ الدى
55 كەلىدە سىنعا تۇسكەن جەرلەسىمىز جارتىلاي فينالدا تۇركيا ەلىنىڭ وكىلى وگۋجان كاراچتى جەڭىپ، ال فينالدا ءازىربايجاندىق ناتيگ گۋرباناليدەن ايلاسىن اسىرا ءبىلدى. وسىلايشا، باۋىرجان قازاقستان قورجىنىنا وليمپيادانىڭ العاشقى جۇلدەسىن سالعان بولاتىن. جاس دزيۋدوشىنىڭ بۇل العاشقى جۇلدەسى ەمەس. ول بۇعان دەيىن جاسوسپىرىمدەر اراسىندا الەم جانە ازيا چەمپيونى اتانعان-دى.
- بۇگىن سىر ءوڭىرى ءۇشىن ەرەكشە كۇن. تاۋەلسىز ەلىمىزدىڭ مارتەبەسىن اسقاقتاتقان جەرلەسىمىز باۋىرجان جاۋىنتايەۆ ۇلكەن جەڭىسپەن ورالىپ وتىر. 205 مەملەكەتتىڭ سپورتشىلارىنىڭ اراسىنان ەل قورجىنىنا العاشقى التىندى سالدى. وتانداستارىمىز بايراقتى باسەكەدە ءۇش التىن يەلەنسە، سونىڭ ءبىرىن باۋىرجان الدى. بۇل ونىڭ جەڭىسىنىڭ باستاماسى. سىر ءوڭىرىنىڭ نامىسىن قورعاعان ءاديا سايىن جەتىنشى تۇعىردان كورىندى. تالابى بار. كەلەسى باسەكەلەردە جۇلدەمەن ورالاتىنىنا سەنەمىز، - دەدى وبلىس اكىمى ق. كوشەربايەۆ.
1997-جىلى تۋىلعان باۋىرجان جاۋىنتايەۆ 10 جاسىنان دزيۋدو سپورتىمەن شۇعىلداندى. جاسوسپىرىمدەر اراسىنداعى وليمپيادادا باعى مەن بابى قاتار شاپقان سپورتشى وزىنە كورسەتىلىپ جاتقان قۇرمەتكە العىسىن ءبىلدىردى. ەندى وليمپيادا چەمپيونى اتانۋ ءۇشىن دايىندىقتى كۇشەيتەتىندىگىن جەتكىزدى.
اۆتور: ەلۋباي اۋەزوۆ
