استانادا ايماقتاعى ەڭ ءىرى تاعى ءبىر قۇرىلىس نىسانى باستالدى
حورەوگرافيا اكادەمياسىنىڭ قۇرىلىسى استانادا، حۋسەين بەن تالال داڭعىلىنان سولتۇستىككە قاراي، ەكسپو-2017 قالاشىعى مەن بوتانيكالىق باقتىڭ ماڭىندا جۇرگىزىلۋدە. اكادەميا ءتورت كورپۋستان تۇرادى: وقۋ، بالەتتىك، تەاترلىق جانە تۇرعىن ءۇي كورپۋستارى. ولاردى ءبىر-بىرىمەن گالەرەيا بايلانىستىراتىن بولادى. وقۋ كورپۋسىندا جالپى ءبىلىم بەرەتىن مەكتەپ، كوللەدج جانە ينستيتۋت بولماق.
سول جەردە زاماناۋي ساۋىقتىرۋ كەشەنى مەن كوپسالالى سپورتتىق زال ورنالاساتىن بولادى. بالەت كورپۋسىندا 21 بالەت زالى بولادى. اربىرىندە قولايلى دەمالىس ايماعى كوزدەلگەن.
تەاتر عيماراتىندا كلاسسيكالىق يارۋس نۇسقاسىمەن جاسالعان 800 ورىنعا شاقتالعان كورەرمەن زالى قاراستىرىلعان.
